Qazaqistanda 5-fibiral Weqwsining 9 yilliqini Xatirlesh Yighini Ötküzüldi

1997-yili Sherqiy Türkistanning Ghulja shehride yüz bergen 5-febiral weqesining 9 yilliqini xatirlesh yighini Qazaqistandiki ashkare paaliyet ilip berishi cheklengen <Uyghuristan Xelq Partiyesi>ning uyushturishi bilen almatada ötküzüldi. Yighingha Almatadiki ziyalilar, pishqedem inqilapchilar we amma wekilliridin bolup, yüzdin artuq adem qatnashti.

Yighingha <Uyghuristan xelq partiyesi>ning reisi,dunya Uyghur qurultiyining Qazaqistandiki wakaletchisi qehriman ghujamberdi riyasetchilik qildi, aldi bilen Ghulja weqeside qurban bolghan shehitlirimizning rohigha atap qur'an tilawet qilindi. Arqidin yighin reisi Qehriman Ghujamberdi Ghulja weqesining kilip chiqishidiki sewepler heqqide toxtulup, Xitay dairlirining qanuni we heqqani telepler bilen ténich namayishqa chiqqan ammini qanliq basturup, nechche yüzligen ademni wehshilik bilen olturgenlikini, hetta Ghulja weqesige 9 yil bolghan bügünki kündimu shu weqege chitishliqi bar digen bahanilar bilen Uyghur xelqini basturushni toxtatmighanliqini, bolupmu <11-sintebir> weqesidin kéyin, xelq'arada terorizimgha qarshi köreshtin paydilinip, chet'ellerdiki Uyghur musteqilliq teshkilatlirini xelq'arada terérchi qilip körsütüshke uruniwatqanliqini, Sherqiy Türkistanda bolsa, Uyghur xelqining diniy erkinliki we kishilik hoqoqini xalighanche depsende qiliwatqanliqini qattiq eyiplidi. u sözining axirida, Sherqiy Türkistan xelqining milli musteqilliq körishining her xil qiyinchiliqlargha duch kiliwatqan bolsimu, Uyghur xelqining musteqilliqtin hergiz waz kechmeydighanliqini aldinqilarning izini kéyinkiler bésip, köreshni qet'i dawamlashturidighanliqini bildürdi. Yighinda sözge chiqqan yazghuchilar we ziyalilar wekillirimu Ghulja weqeside qurban bolghanlarning qanlirining hergiz bikargha aqmighanliqini, Uyghur xelqining shehitlerning muqeddes arzu - rmanlirini choqum emelge ashuridighanliqini bildürüshti.

Yighinda yene meshhur musteqilliq jengchisi, merhum Sabit Abdirahman akining Uyghurname "namliq zor hejimlik esirining tarqitilish murasimi bolup ötti.