Insan Heqliri Küni Munasibiti Bilen

Öz hewirimiz:

Bügün, yeni 12 - ayning 10 - küni, Birleshken Döletler teshkilati teripidin < Dunya kishilik hoqoq Hitapnamisi > elan qilinghan kün bolup, her yili 12 - ayning 10 - künini Birleshken döletler teshkilati teripidin < Dunya Kishilik Hoqoq Küni > dep bekitilgen idi.

Bu munasiwiti bilen, Germaniyede yashawatqan Uyghurlar bügün Xitayning München Konsulhanisi aldida naraziliq namayishi ötküzdi.
Dunya Uyghur Qurultiyi Qarmighidiki < Yawropa Sherqiy Türkistan birliki > teshkilati teripidin uyushturulghan bu qetimqi namayish chüshtin burun saet 10 da bashlandi we ikki saet dawam qildi.

Namayishqa, < Yawropa Sherqiy Türkistan Birliki > ning ezaliridin sirt yene, < Dunya Uyghur qurultiyi > ning wekilliri, Germaniye insan heqliri teshkilatining mesuli, Ichki Mongghulistan we Tibet teshkilatlirining wekilliri qatnashti.

Düshenbe, yeni 12 - ayning 12 - küni , Heliqara Kishilik Hoqoq teshkilati, Dunya Uyghur Qurultiyi Qarmighidiki < Yawropa Sherqiy Türkistan birliki > teshkilati we Falüngong teshkilatliri birliship München shehride Kishilik hoqoq mesilisi heqqide ilmiy muhakime yighini ötküzidu.

Buyighinda, heliqara Kishilik hoqoq teshkilatining wekili Pete Müller, < Yawropa Sherqiy Türkistan Birliki > teshkilatining reyisi Esqerjanjan, Falüngong wekili Martin Kritzler qatarliqlar doklat beridu, shundaqla yighinda Amerikidiki Laogai Fonda jemiyitining reyisi Wu Hong Da teripidin hazirlanghan we Xitaydiki kishilik hoqoq depsendichilik qilmishliri ekisettürülgen Höjjetlik filim körsütilidu.