Xitayda 70 Ming Kishi Qan Bérish Jeryanida ADIS'ni Yuqturuwalghan

2005.11.30 RFA

Xitay sehiye ministirining charshenbe küni bildürüshiche, Xitayda 70 ming kishi qan bérish jeryanida ADIS késilini yuqturuwalghan.

Sehiye ministiri Gao Chang bu melumatlarni ADIS'ning aldini élish xizmiti mesiliside ötküzülgen mexsus axbarat élan qilish yighinida otturigha qoyghan bolup, uning éytishiche, Xitay, dunya sehiye teshkilati we B D T ning birlikte élip barghan tekshürüshige asaslanghanda, Xitayning 1998 ‏-Yildiki "qan bérish qanuni" ni élan qilishtin burun qan bergüchi we qan qobul qilghuchilardin bolup texminen 70 ming kishi ADIS wirusi bilen yuqumlanghan.

90‏- yilliri Xitayda arqa‏-Arqidin qan bérish jeryanida ADIS késilini yuqturuwélish ehwali körülgendin kéyin, hökümet 1998‏- Yili "qan bérish qanuni" élan qilip, qan bérish organliri we qan bérish jeryanlirigha bolghan kontrolluqni kücheytken.

Xitay sehiye ministiri hökümetning hazir 98‏- Yildin awalqi ADIS bimarlirini heqsiz dawalash we ADIS yétim balilirini heqsiz oqutushtek tedbirlerni qollunuwatqanliqini bildürdi.

Qan bérish jeryanida ADIS bilen yuqumlanghan nurghun kishiler xélidin béri hökümettin narazi bolup, hökümetning ulargha köngül bölmigenlikini, uning eksiche ularni chetke qéqip kemsitkenlkini eyiblep kelgen. (Peride)