Pakistan Xitaydiki Méhmanxanilargha Qaritilghan Térrorluq Hojum Tehditi Heqqidiki Uchurni Tekshürmekte

2005.11.24 RFA

Pakistan bixeterlik qisimliri, Xitay hökümitining telipi boyiche namelum guruhlarning Xitay we Hongkongdiki méhmanxanilargha térrorluq hojum qozghash tehditi salghanliqi heqqidiki uchur üstidin tekshürüsh élip barmaqta.

Pakistan dairilirining bildürüshiche, üch hepte awwal, Xitayning karachidiki konsulxanisigha " eli " isimlik birsining namidﺍ bir tehdit xéti fakis qilinghan. Arqidin Amerikining Beijingdiki elchixanisi, puqralirini hoshyarliqni östürüsh heqqide agahlandurush xéti chiqarghan idi. Kéyin Xitay we Amerika dairiliri bu uchurning menbesining éniq emeslikini körsitip, bu uqturushni qayturuwalghan.

Reuters agéntliqining xewirige qarighanda, Pakistan tekshürgüchiliri nöwette bu tehditning Sherqiy Türkistan islam herikiti dégen teshkilat bilen alaqisi bolushi mumkinlikidin gumanlanmaqta iken. Pakistan axbarat dairiliri, Pakistanda Uyghur élidin kelgen az bir qisim diniy pidaiylarning barliqidin xewerdar ikenliki we pat arida ularning paﺋaliyetlirini yighushturidighaﻧliqini bildürdi.

Pakistan hökümiti ilgiri Pakistandiki Uyghur musapirxanilirini taqap, Pakistanda diniy telim- terbiye éliwatqan Uyghur oqughuchilar we bashqa Uyghurlarni Xitay hökümitige qayturup bergen. Xitay hökümiti ularning qismenlirige éghir jaza bergen idi. (Arzu)