Uyghur Aptonom Rayonining Sabiq Muawin Reisi Aman Haji Üstidin Sot Ėchildi

2005.11.24 RFA

Lanzhou sheherlik ottura soti 11 - Ayning 8 - küni Uyghur aptonom rayonining sabiq reisi Aman haji üstidin birinchi qétimliq sot achti. Sot yépiq shekilde échilghan. Xitay " maliye iqtisad géziti" sot échilip üch heptidin kéyin, sotning échilghanliqini xewer qildi.

Xewerge qarighanda, Aman haji " xiyanetchilik" we " para yiyish" jinayiti bilen eyiblengen. Sot shu küni chüshtin kéyin 4 lergiche dawam qilghan. Emma sotta héchqandaq höküm élan qilinmighan. Xewerde sotning bashqa tepsilatliri tilgha élinmighan.

Xitay merkizi intizam tekshürüsh komitéti Aman hajini " wezipe ötesh jeryanida hoquqidin paydilinip, shé pemililik birsining sodisigha qolayliq yaritip, uningdin nurghun para yidi. Tuqqanlirining sodida zor menpeet élishigha qolayliq yaritip berdi" dep eyibligen. Mﻪzkur komitét ötken yili 10 - Ayda Aman hajini partiye tewelikidin chiqiriwetken idi.

Uyghur aptonom rayonluq hökümetning sabiq muawin reisi Aman hajining néme üchün Ürümchide emes, Lanzhouda sotqa tartilghanliqi nurghun kishilﻪrde soal tughdurmaqta. Xitay dairiliri bu heqte hazirghiche héchqandaq chüshendürüsh bermidi. Aman haji qolgha élinip uzun ötmeyla, uning kanadada olturaqlashqan inisi ilshat haji kanadadin chaqirtip kélingen we uzun ötmey uning jesiti aile- Tawabatlirigha tapshurup bérilgen idi. (Arzu)

Pakistan Xitaydiki Méhmanxanilargha Qaritilghan Térrorluq Hojum Tehditi Heqqidiki Uchurni Tekshürmekte