Yaponiye Asasi Qanungha Özgertish Kirgüzüp, "Qoghdinish Armiyisi" Quridighanliqini Jakarlidi

2005.11.22 RFA

Hakimiyet üstidiki Yaponiye erkin démokratlar partiyisi seyshenbe küni asasi qanungha tüzütüsh kirgüzüsh layihisi otturigha qoyup, Yaponiye qoghdinish etritining shtatini qoghdinish armiyisige özgertidighanliqini élan qildi.

Yéngi qanun layihisi boyiche 1947 - yili tüzülgen " tinchliq asasi qanuni" ning 9 - maddisidiki " Yaponiye quruqluq, déngiz, hawa we bashqa qoralliq qisimlargha ige bolmaydu," dégen belgilimiler tinchliqni qoghdash, döletning musteqilliqi we xelqning bixeterliki üchün herbiy qisimlar qoghdashni üsitige alidu, bash ministir ali qomandan bolidu" dep özgertilidiken.

Yaponiye parlaméntidiki asasliq öktichi guruhlardin bolghan démokratlar partiyisi qanun layihisini qollidi. BBC ning eskertishiche, qanun layihisi Yaponiye parlaméntida testiqlinishi mumkin. Emma shuning bilen birge qanun layihisi tinchliqni tekitlep, " Yaponiye xelqi urushning bir döletning dexli - terüzsiz ali hoquqi ikenlikini menggü étirap qilmaydu. Tehdit we qoralliq küch xelqara mesililerni hel qilishning wastisi ikenlikini étirap qilmaydu,’ digen maddilarni kirgüzgen.

BBC ning xewer qilishiche, Yaponiyining asasi qanungha tüzütüsh kirgüzüsh pilani Xitay bilen koriyini biaram qilmaqta. (Erkin)