Xelqara Chégrisiz Muxbirlar Teshkilati Xitayning Küresh Hüseyinge Qamaq Jazasi Bergenlikini Eyiblidi

2005.11.22 RFA

Merkizi parizhdiki chégrisiz muxbirlar teshkilati bayanat élan qilip, qeshqer ottura xelq sot mehkimisining "qeshqer edibiyati" jornilining bash muherriri küresh hüseyinni nurmuhemmet yasinning " yawa kepter" namliq esirini mezkur jornalda basqanliqi sewebidin 3 yilliq qamaq jazasigha höküm qilghanliqini eyiblidi.

Chégrisiz muxbirlar teshkilati bayanatida, "küresh hüseyinni qamaq jazasigha höküm qilishning héchqandaq asasi yoq. Bu dairilerning oxshimighan köz qarashtiki öktichilerni basturushqa uruniwatqanliqining yene bir delili " dep tekitligen.

Xitay dairiliri ötken yili 11 - ayda "yawa kepter" namliq edebiy eserning aptori nurmuhemmet yasinni qolgha élip 10 yilliq qamaq jazasigha höküm qilghandin kéyin, küresh hüseyinni mezkur eserni " qeshqer edibiyati" da élan qilghan, dep jawabkarliqqa tartqan. Qeshqer ottura xelq sot mehkimisi yéqinda uning üstidin höküm élan qilip, uninggha 3 yilliq qamaq jazasi bergen idi.

Xitay dairiliri, Nurmuhemmet Yasin hikayiside kishilerni "bölgünchilikke küshkürtken " dep eyibligen idi. Yéqinda uning hékayisi Xitay we ingliz tillirigha terjime qilindi. (Erkin)