Swetsiyede Uyghur Jamaetchiliki 1933- we 1944 - Yilliri 12 – Noyabirda Qurulghan Ikki Qétimliq <Sherqiy Türkistan> Dölitini Xatirlidi

ETIC / Öz xewirimiz: 2005 - yili 12 - noyabir küni Stockholm sheher merkizide Swetsiyede yashawatqan Uyghur jamaetchiliki, Swetsiye Uyghur kometitining uyushturushi bilen 1933- we 1944- yilliri qurulghan ikki qétimliq Sherqiy Türkistan dölitining qurulghan künini xatirlidi, shuning bilen birge bu künni dölet bayrimi dep tonudi.
Bu kündiki yighilishta Uyghur jamaetchiliki siwetsiye Uyghur komitetining reisi, ataqliq kompazitor Köresh Sultan ependi we bashqa munasiwetlik kishilerning riyasetchilikide tarixtin béri qurulghan Uyghur döletlirini eslep ötüp, téxi ötken esirning aldinqi yérmidila musteqillil mewjut bolghan eziz wetinimiz <Sherqiyy Türkistan> dölitini xatirlep 12 - noyabir künini dölet bayrimi dep tonudi, bu döletning Xitay istilasi astigha chüshüp qélishidiki seweplerni özara muzakire qilishti, weten ichi we sirtida turup weten dewasigha awaz qoshqan shehitlirimizning rohigha atap xetme quran oquldi. Dunyaning herqaysi döletliride turup wetensizlik azabini chékiwatqan qérindashlirimizning azaplirini sözleshti. Buning bilen Uyghur jamaetchilikining qelbide weten dawasigha bundin kéyin téximu zor derijide awaz qoshidighanliq iradiliri bildürüldi.

Yighilishta 1944-yili 12-noyabir küni Ilida qurulghan <Sherqiy Türkistan jumhuriyiti>ning shahidi Sultan ependim özining bu künde 12 yashliq baliliq dewri bolghanliqi dölet qurulghan künini we Ghéni Baturning Nilqidiki chaghda ghelbe qilip palwan yigitler bilen Ghulja shehrige kirgenlik menzirisini köpchilikke eslep berdi, Ahmetjan Qasimi qatarliq dölet rehberlirining ayropilan weqasige uchrap jesidi Ghuljigha élip kélingendin kéyinki Uyghur jamaetchilikining bu weqege bolghan gumanlirini we inkaslirini öz közi bilen körgenliki toghruluq hehiqi ehwallarni köpchilikke jetküzdi, Uyghur jamaetchiliqi közlirige yash élip qehrimanlar shenige medihiya oqudu.
Bu bayram künining ahiri Uyghurlar özliri tayyarlighan Uyghur taamliridin ghizalanghach Uyghur nahsha muzikiliridin hözurlandi. Jamaetchilik bundin kéyin ittipaqliqni kücheytip, meyli dunyaning qeyeride yashashtin qet'i nezer öz wetinini hergiz isidin chiqirip qoymaydighanliqini bildürüshti.