Xitaydiki 60 mingdin Oshuq Dölet Igiligidiki Karxana Xususiylashturulghan

2005.11.06 RFA

Dunya bankisigha qarashliq xelqara maliye guruhi yéqinda élan qilghan 2005 -yilliq doklatida, 1996 -yildin 2005 - yilghiche bolghan mezgilde, Xitayda texminen 60 mingdin oshuq dölet igiligidiki karxanining xususiylashturulghanliqini bildürgen.

Xitayning shinxua agéntliqimu bu doklatni neqil keltürüp, bu mezgilde Xitaydiki dölet igiligidiki karxanilarning 50% i xususiyliship, qalghan 26% karxana shirket nami bilen birleshtürülgenlikini we bezilirining weyran bolghanliqini jakarlap taqiwétilgenlikini melum qilghan.

Xelqara maliye gorohining doklatigha qarighanda, hazir Xitaydiki shirketlerning 70%i xususiy mülük sheklide iken. Bolupmu yéqinqi yillardin buyan Xitayning dölet igiligidiki karxanilarda élip bériwatqan islahat süriti bir qeder téz bolghan.

Xitayning bu xildiki islahati yene bir tereptin nurghun ishchilarning xizmettin toxtishini yaki ishsiz qélishini keltürüp chiqiriwatqan bolup, shu seweptin bu mezgilde ishchilarning naraziliq namayishlirimu bir qeder köp körüldi. (Arzu)