Xitay Dairliri Muhammet Tursungha Ölüm Jazasi Bérip Derhal Ijra Qilghan

Hörmetlik wetendashlar, sizlerge melum bolsa kérek, Hotende Xitay kommunistik hakimiyitige qarshi yoshurun qoralliq pa'aliyet élip bériwatqan Uygur mujahidlerning rehbiri Köresh, 1999 - yili 9 - ayning 4 – küni kéçide Hoten méhmanxanisi aililikler qorosining 102 – nomurluq öyide yoshurunup yatqanda sézilip qélip, Xitay saqçi dairlirining qatmu – qat qorshawi astigha çüshüp qalghan idi. Saqchilar uni teslim bolushqa ündégen bolsimu, emma u teslim bolmay, qoralliq halda qattiq qarshiliq körsitidu we öyge basturup kirishke urunghan Tursun Tohti isimlik Uygur saqchini étip öltüridu. Top – toghra 15 minot dawam qilghan bu qétimqi qoralliq toqunush jeryanida, saqchilarning öyni oq yamghurigha tutishi netijiside, Köresh oq tégip hayatidin ayrilidu. Bu weqe, "Hoten geziti"ning 9 – ayning 5 – künidiki sanidimu eynen hewer qilinghan idi.

Muhammet Tursun 30 yash etrapida bolup, Kérye nahye Qaraqir yézisidin bolup, Xitay dairliri Muhemmet Tursunni Köresh we Shirelining ustazi digen jinayet bilen ölümge mehkum qilghan.
Xitay dairliri Mehammet Tursunni Köresh shehid bölushtin ilgiri yeni 1999 – yili 6 - ayda tutush buyriqi chiqirip, Muhammet Tursunni tutup bergen yaki saqchigha xewer qilghuchilargha 200 ming yüwen xelq puli béridighanliqi yézilghan tamgézitlirini pütün Sherqiy Türkistanning sheher yézilarda elan qilghan bolsimu hazirgha qeder tutalmighan.

Lékin öz ichimizdin chiqqan milliy munapiqlarning chéqip qoyishi munasibiti bilen bu yil étiyazda Mehmet Tursun Xitay dairlirining qolgha chüshüp, öz yurtigha qayturup kilinip uzun ötmey bu yil 6 -ayning otturlirida Kériyede ochuq sot échip ölum jazasi bergen.
Ölüm jazasi Kériyening Yaghliq derya boyida ijra qilinip ölükini neq meydanda topini kolapla kömüwetken.

Ölüm jazasini yéqindin küzitish üchün barghan piyade we mototsikilitliq yashlar yiraqtin mehpi saqchilar terpidin vedio kameragha élinip, shu kéchisi Kérye nahyelik saqchilar puqralarning öylirige bastürüp kirip 40 neper yashni tutup ketken we bularning aldigha 6 ayliq qamaq jazasi we jerimane qoyghan.

Yillardin béri kusuk ishittek Muhammet Tursunning arqisida yürüp tutalmay yürgen Xitay saqchi dairliri milli munapiqlarning yardimi bilen Muhammet Tursun tuqqandin kéyin jasaretke kilip, bulyil yeni 2005 - yili yaz kirishi bilenla Hoten wilayetlik saqchi idarisidin Abdullahrozi Muhemmet qatarliq 10 neper saqchini mexsus Ürümchige ewetip, Uyghurlar topliship olturaqlashqan rayonlardiki Hotenning herqaysi jayliridin Ürümchige kélip tijaret ishliri bilen shughullanghan Uyghurlarning ish pa'aliyetlirini küzütüp, gumanliq ademlarni tutushqa ewetken.

Bu saqchilar asasliq halda Ürümchi shehrining Saymachang <qassapchiliq meydani> Sanshihangza, Dong köwrük qatarliq Uyghurlar topliship yashawatghan rayonlirida weziyetni paylighan, shundaqla Hotendin burun Ürümchi we Ghulja qatarliq sheherlarga kélip yerleshken Uyghurlarning salahitini éniqlighan.

Bu éniqlash jeryanida 7 - ayning 18 - küni etrapida Kériye shenbe bazar saqchihanisidin adem kelip Abduqadir Memtimin, Ablikim Abdugheni qatarliq 5 yashni mejburi Kériyege élip ketken, Ular hazir Kériye turmiside yatmaqta.