"Muqeddes - 6" Xelq Menpeeti Üchünmu Yaki Kommunist Partiye Üchünmu?

Xitay 1958 - yili Jiyuchuende alem bazisini qurushqa bashlighan, 1970 - yili 4 - ayda yer sharining süni hemrahini uchurghan؛ 1999 - yili 11 - ayda "muqeddes 1-" namliq alem kémisini uchurghan idi. Mushundaq bir qatar sinaqlar arqiliq 2005 - yili "muqeddes - 6" namliq alem kémisini 10 - ayning 12 - küni alemge uchurghan. Buning hemmisi bashqa döletlerning téxnikisi bilen Xitay xelqning iqtisadini serp qilip élip bérilghan. Xitay hökümiti bularni "alem boshluqi tarixidiki ulugh netije" , "jonggo ning xelqaradiki mertiwisini yuqiri kötüridu" dewatidu. Emma "muqeddes - 6" Toghrisida chetellerde boluwatqan erkin muhakimiler buni ret qilidu. .

Muqeddes – 6 xelq üchün hajetsiz
"Amérika awazi" ning bayan qilishiche, jilin ölkisidiki bir Xitay puqrasi "hökümet alem kémisini asmangha uchurdi, xelqning kishilik hoquqini yerge chöktürdi. 70 - yillarda yer sharining süniy hemrahi asmangha chiqirilip, "sherq qizardi" dégen muzika anglatqanda, gerche qattiq siyasi zulumgha uchrawatqan bolsaqmu, yenila hayajanlanghan iduq. U chaghda dunyadiki uchurlardin xewirimiz yoq idi. Bu qétim undaq emes, hazirqidek xelqqe oqush qéyin, ishqa orunlishish qéyin, derd éytish qéyin, hoquqini qoghdash qéyin, heqiqiy ehwalni bilish qéyin, partiyining zulumidin qutulush qéyin boluwatqan ehwal astida, 'muqeddes – 6' xelq üchün hajetsiz " dégen.

Jangshi ölkisidiki bir Xitay puqrasi "partiye déngizni kontrol qilish üchün xelqning shunche köp pulini serp qilip "awiamatka yasash plani" ni tüzgen, uni emelge ashuralmidi. Buning bedilige hazir xelq késel bolsa dawalinalmaydighan, ballirini oqutalmaydighan ehwalgha chüshüp qaldi. Partiye emdi yene asmanni kontrol qilidighan "alem qisimiliri" qurush pilanini tüzüp chiqip, alem kémisini sinaq qiliwatidu. Burun özige jennet qurup xelqqe apet keltürüp kéliwatqan kommunist partiyini emdi xelqqe bext yaritidu dep tesewwur qilghili bolamdu?" dégen.

Muqeddes - 6 peqet abroy we heshemet üchünla BBC élan qilghan mulahizilerdin melum bolushiche, engiliyidin yézilghan bir obzorda "her qandaq millet özining iptixarini yoqatsa, u yoqilishqa yüzlinidu, xelqning hal - Ehwali yaxshi bolghanda bundaq yuqiri pen - téxnika bilen shughullansa bolidu, emma "muqeddes - 6" xelq bilen kari bolmay, xelqning pulini serp qilip, siyasiy netije üchün qilinghan ish, buni heddidin ashuriwetse bolmaydu " dégen. Tianjindiki bir Xitay puqrasimu "muqeddes - 6 peqet bir abroy we heshemet üchünla qilinghan ish. Uning xelq üchün héchqandaq ehmiyiti yoq" dégen.

Xitaydin yézilghan bir obzorda "alem boshluqidiki éghirliq küchi yoq qatlamlarda, ilmiy sinaq élip bérip, yéngi towarlarni ishlepchiqirish, mesilen, ayda qimmiti menggu özgermeydighan medenler, dölet mudapiesige kéreklik bayliqlar bolsa, uni qézip chiqirip, uningdin köplep payda qazinish éhtimali bolushi mumkin. Bu xelq üchün xizmet qilghanliq, wetenperwerlik" dégen.

Muqeddes - 6 bilen wetenperwerlikning munasiwiti yoq
Xitaydin yézilghan yene bir obzorda "muqeddes - 6 Bilen wetenperwerlikning munasiwiti yoq. Bashqa döletler bundaq ishlarni sap pen - Téxnika sinaqliri deydu. Xitay kommunist partiyisi bolsa buni partiyining, döletning, milletning pexri, wetensöyerliki dewalghan. Eger alem kémisini asmangha chiqirish wetensöyüsh bolsa, alem kémisini eng burun asmangha chiqarghan sowét ittipaqidin xelq pexrlinip, uni söyse bolatti, u gumran bolmaytti. Xelq döletni söymise, bu mesilini qandaq qilip alem kémisi qoyup bérish arqiliq hel qilghili bolidu? " dégen.

Xitaydin yézilghan yene bir obzorda "’muqeddes - 6’ Xitay kommunist partiyisi dunyada özining mertiwisini yuqiri kötürüsh üchün qilinghan ish. Xitay kommunist partiyisi exlaqsiz, wijdansiz kishilerdin terkip tapqan partiye, uning neziride dölet menpeeti dégen nerse yoq. Bu partiye xelqning ölüsh - tirilishi bilen kari yoq. Özining hakimiyiti muqim tursila boldi. Bashqa jayda ot köyiwatsa, özige tutashmighiche bérip uni öchürmeydu. Eger kommunist partiye ‘muqeddes - 6’ ge bek qiziqsa, pütün partiye ezaliri özi shuninggha öltürüp yer sharidin köchüp ketsün. kommunist partiye yer sharidin yoqalsa andin xelq aram tapidu" dégen. (Weli)