Uyghur Xelqining Meniwe Anisi Rabiye Qadir Xanim Shiwitsiyede Ziyarette Boldi

ETIC / Öz xewrimiz: Uyghur xelqining qishilik hoquq we demokratsiyesini ilgiri sürüshte yétekchilik rol oynawatqan ataqliq siyasiyon Rabiye Qadir xanim Yawropadiki birqachche doletni ziyarat qilip 11-oktebir küni chüshtin kéyin saet 3 te Shiwitsiye paytehti Sstokholmgha yétip keldi. Bu yerde yashawatqan Uyghurlardin yüzge yéqin qérindashlirimiz Arlanda ayridurumida xanimning mubarek qedimini tebrik etti.

Ayridurumda Rabiye animiz Shiwitsiyede yashawatqan Uyghurlardin hal soridi we nutuq sözlidi. Nutqida bu qetimqi sepirining mexsidi: Uyghurlarning dert elimini Shiwitsiye hökümiti we xelqige anglitish, Uyghur xelqige her tereptin gharp démokratik elliridin yardem telep qilish ikanlikini alahide tekitlidi.

Ziyaritining kün tertibi boyiche kelgen künidin bashlap Shiwitsiye parlamenti, amnesty international, Shiwitsiye tashqi ishlar ministirlikidiki munasiwetlik kishiler bilan Uyghurlarning kishilik hoquk masilisi üstide tepsili muzakiriler boldi .

Bu yighinlarda asasen weten sirtida turup Xitayning zulumigha chidimay siyasi panaliq telep qilghan Uyghur musapirlirining panaliq élish mesilisige Shiwitsiye hökümitining alahide ehmiyet bilen qarishi kéreklini qayta- qayta takitlidi.

Yighinlarda yene Ottura Asiyadin Yawropa ellirige penaliq izdep kelgen Uyghurlar mesilisimu wetendin chiqqan Uyghurlarning masilisi bilen ohshash muamilide bolushi kérekliki, chünki ularningmu wetensizlik azabi we étnik kemsitilish ehwallirining éghirliqi alahide otturigha qoyuldi.

12 - öktebir kechta Shiwitsiye Uyghur medeniyet merkizining uyushturushi bilen iftarliq sorunigha Rabiye xanim yoldishi Sidiqhaji Rozi ependiler bilen birge kélip, Uyghur jamaetchiliki bilen iftar dastirxanida birge boldi.Uyghur qerindashlar bilan birge Uyghurlarning bugunki échinishliq teghdiri üstide muzakiriler boldi we çzining wetendiki türme heyati toghrisida jamaetchilik bilen ortaq hal mung qilishti we nurghunlighan wetenning azatliqi yolida siyasi betnamlar bilen bigunah türmilarde yétiwatqan oghul qizlirimizning ehwalidin köpchilikni xewerdar qildi. Weten sirtidiki Uyghurlarning wetenpewelik héssiyatliri téximu kücheydi. Shiwitsiyede mewjut bolup turuwatqan ikki Uyghur teshkilatining barliq ixtilaplarni bir yaqqa qayrip qoyup weten dewasigha téximu aktip awaz qoshudighanliq iradisi bildürüldi.

13 - öktebir küni kechta Shiwitsiye Uyghur komititi we amnesty internattional teshkilatining uyushturushi bilan Uyghur masilisidin Shiwitsiyeda turup Uyghurlarning insan hoquklirigha wa teghdirige köngül bölüwatqan har sahadiki mutexesisler we muxbirlargha doklat bérildi.

Yighin bashlinishi bilen Shiwitshiye Uyghur komutitining reisi Kuresh Sultan ependim Rabiya hanimning türme azabini tartiwatqanda ijat qilghan Rabiye Qadir digen nahshisini neq meydanda orunlap qatnashqanlarni qattiq tasirlandürdi we Rabiye xanimmu ihtiyarsiz köz yéshi qildi. Yighin nahayiti qizghin keypiyat ichide dawamlashqan bolup, Rabiye xanim muxpirlarning sorighan suallirigha nahayiti etrapliq jawap berdi. Yighin qatnashchiliri mezilik Uyghur taamliridin éghiz tegkech Uyghur nahsha muzikiliridinmu huzurlandi.

Rabiye xanim Shiwitsiyediki ziyaritini muweppiqiyetlik axirlashturup bugün 14 - öktebir kuni Norwegiyege yurup ketti.