Endishe We Zerbe Astidiki 50 Yilliq Murasim (2)

RFA muhpiri Ümidwarning Sidiq Haji Rozi bilen ötküzgen söhbiti
2005.09.28

Ughur aptonum rayonining eng yuqiri hoquqi Xitay millitidin bolghan wang léchüen qolida. AFP
Xitay hökümiti Ughur élini ishghal qilip besh yildin kéyin qurghan "Shinjang" Ughur aptonom rayonigha 50 yil toshti. Xitay hökümiti Shinjang Ughur aptonom rayonining qurulushigha Zhunggo kompartiyisining milliy siyasitining ghelibisi dep tebir bérish bilen bu murasimni daghdughiliq ötküzüshke pütün imkaniyetliri bilen tirishmaqta.

Xitay hökümiti yéqinda yene mexsus milliy aptonomiye aq tashliq kitabi élan qilip, özlirining 50 yillardin buyan yürgüzüp kéliwatqan aptonomiye siyasitini medhiyilep, az sanliq milletlerning aptonomiye hoquqlirining heqiqiy jari bolghanliqini tekitligen idi.

Xitay hökümiti Xitay asasiy qanuni we milliy térritoriyilik aptonomiye qanunida her millet xelqining saylash we saylinish hoquqliri yolgha qoyulup, her qaysi aptonomiyilik jaylarni shu jayning millitining özliri idare qilishi, ularning öz rayonining ichki ishlirini özliri bashqurushtek démokratik hoquqlirining kapaletke ige qilghanliqini izchil teshwiq qilip kelmekte.

Ughur aptonom rayoni qurulghanliqining 50 yilliqi munasiwiti bilen Xitay dairiliri Ughurlarning aptonomiye hoquqlirining kapaletke ige bolghanliqi, Ughurlarning öz ishlirini özliri béjirip, öz ailisige özliri ige bolghanliqini he dep teshwiq qilmaqta. Undaqta, atalmish shinjang Ughur aptonom rayonida Ughurlarning aptonomiyilik hoquqliri heqiqeten kapaletke ige boldimu? u jaydiki emeliy ehwal heqqide Ughurlarning inkasliri qandaq?

Bu heqte dunya Ughur qurultiyining bash katipi dolqun eysa we téxi yéqindila Ughur élidin amérikigha kelgen ghunchem xanimlar öz inkaslirini bildürüshti.

Bu heqtiki tepsili melumatlarni, muxbirimiz ümidwarning mexsus programmisidin anglang.