Uyghur Éli Pemidur Ishlepchiqirishta Dunyada Aldinqi Orunda Turmaqta
 

2005.09.14 RFA

Uyghur éli ötken yili ishlepchiqarghan pemidur miqdari dunya pemidur ishlepchiqirish miqtarining töttin birini igilidi.

Xitay hökümitige qarashliq shinxua agéntliqining charshenbe küni bergen xewirige qarighanda, ötken yili Uyghur élide ishlepchiqirilghan pemidurning miqdari töt yérim milyon tonnidin éship, dunyadiki omumiy pemidur ishlepchiqirishining töttin birini igiligen. Buningdin sirt, pemidur qiyami qatarliq pemidur mehsulatlirining ishlepchiqirilish miqdarimu dunyada üchinchi orunda turghan.

Xewerge qarighanda, hazir Uyghur éli yiligha 400 ming tonna pemidur qiyami ishlepchiqiralaydighan bolup, uning 75٪ ini chetellerge ékisport qilidu. Emma xewerde pemidur sanaitining qanchilik iqtisadiy ünüm yaritiwatqanliqi tilgha élinmighan.

Uyghur élidiki ishlepchiqirish qurulush bingtüeni tor bétining ötken ayda tarqatqan bir xewiridin ashkarilinishiche, Uyghur élidiki pemidur ishlepchiqirish bazisini asasliqi bingtüen igiligen bolup, bingtüenning pemidur ishlepchiqirish meydani 530 ming mogha yétidiken. (Arzu)