Xitay Hökümiti Cherchende Bixeterlik Xizmitini Ching Tutmaqta

[RFA 2005.09.13] Gérmaniyidiki Sherqiy Türkistan uchur merkizining melum qilishiche, uyghur élining Bayinghulin Mongghol aptonom oblastining Cherchen we Chaqiliq nahiyiside 8 - Ayning bashliri éziz barat we osman musa isimlik ikki uyghur déhqan, saqchilar teripidin qolgha élinghan. Xitay dairiliri ularni öyide qanunsiz halda partlash boyumlarni saqlighan hemde uyghur aptonom rayonining 50 yilliqi harpisida partlitish weqesi sadir qilmaqchi bolghan dep eyibligen.

Uchur merkizining yetküzgen xewiridin melum bolushiche, Cherchen nahiyilik jamaet xewpsizlik idarisi éziz barat isimlik déhqanning öyidin 47 kilo partlitishta ishlitilidighan suyuqluq, 50 dane kapsul we 32 métir ot piltisini tapqan. Shundaqla , Chaqiliq nahiyisidiki osman musa isimlik déhqanning öyidinmu, bu xil suyuqluqtin 30 kilo, 64 dane kapsul we 70 métir uzunluqtiki ot piltisi chiqqan.

Bu munasiwet bilen muxbirimiz peride Cherchen nahiyisige téléfon urup, bu weqe heqqide melumat igileshke térishti.