B DT Kishilik Hoquq Komitétining Re isi Xitayni Ziyaret Qilmaqchi

Birleshken döletler teshkilati kishilik hoquq komitétining re isi lüwiza arbor düshenbe küni Xitaygha qaratqan besh künlük ziyaritini bashlimaqchi.
Xewerlerge qarighanda, Lüwiza bu ziyariti jeryanida, bir tereptin Xitayning, kishilik hoquq weziyitini yaxshilash üchün birleshken döletler teshkilati teripidin otturigha qoyulghan shertlerge boysunghan yaki boysunmighanliqini tekshüridiken. Yene bir tereptin bolsa, Xitay hökümitini birleshken döletler teshkilati ijtmaiy we siyasiy hoquqlar shertnamisni imzalashqa qayil qilishqa tirishidiken.
Xelqara kishilik hoquq teshkilatliri, gerche Xitay iqtisadiy jehettin téz tereqqiy qiliwatqan bolsimu. Emma siyasiy, ijtmaiy, erkinlik we kishilik hoquq jehette künséri arqigha chikiniwatqanliqini bildürmekte.
Kishilik hoquq weziyitining Xitayda barghansiri nacharlishishi, Xitayning bolupmu amérika we yawrupa döletliri bilen bolghan munasiwetlirige jiddiy tesir yetküziwatidu.
Siyasiy analizchilar ning éytishiche, Xitay dölet re isi xu jintaw kiler ay amérikigha qilidighan ziyariti jeryanida qattiq naraziliq heriketlirige duch kélishi mumkin.
Fransiye axbarat agéntliqining xewer qilishiche, birleshken döletlerteshkilati kishilik hoquq komitétining re isi besh kün dawamlishidighan bu qétimqi ziyariti jeryanida, Xitay dölet re isi xu jintaw we bashqa munasiwetlik Xitay rehberliri bilen kishilik hoquq mesiliside söhbet élip baridiken. (Qanat)