Héytgah Chong Bazirigha Pakistan Soda Kochisi Sélindi

Uyghur élining qeshqer shehiridiki dangliq héytgah meschining ikki yéqigha yéngidin özgertilip sélinghan héytgah chong bazirigha, mexsus pakistan malliri üchün bir kocha ajritilghan.

Yéngidin sélinghan bu chong bazar, jenubiy we shimaliy soda rayoni dep ikki rayondin tüzülgen bolup, jenubiy rayonda asasliqi uyghurlarning milliy tüsni alghan her xil mallar, sapal boyumlar, kiyim-kéchek, ayaq we kündilik boyumlar sétilidiken, shimaliy soda rayonda bolsa, zibu-Zinnet, her xil qaqlar we uyghurlarning qol hünerwenchilik boyumliri sétilidiken.

Pakistan soda dukinigha del mushu shimaliy soda rayonidin 30 kuwadirat métir orun bérilgen bolup, bu yerge 44 dukan chüshidiken. Bu yerde pakistandin kirgen her xil mallar sétilidiken.

Xitay hökümitining dangliq héytkah bazirini qayta özgertip sélish ishliri 2003 - yili 5 - ayda bashlanghan bolup, hazir bu qurulush pütüsh aldida turmaqta. Eyni chaghda héytkah meschitining etrapidiki nurghun ahaliler, Xitay hökümitining bu bazarni qayta özgertip sélish bahanisi bilen, bu yerdiki nurghun ahalilerning öylirini chéqip, ularni köchüshke mejburlighanliqini xewer qilghan idi. Shundaqla xitay dairiliri yéqinda yene, bu yerdiki nurghun kochilarning uyghurche namlarni özgertip, uni Xitayche namlar bilen atighan.

(Peride)