Türkmenistan Musteqil Döletler Hemdostluqidin Chiqip Ketti

Rusiyining Lénta.ru agéntliqining uchuridin melum bolushiche, Ottura asiyadiki Türkmenistan jumhuriyiti 13 yildin buyan eza bolghan musteqil döletler hemdostluqidin resmi chiqip kétidighanliqini mezkur teshkilatning qazanda ötküzülgen yilliq yighinida otturigha qoyghan.

Türkmenistan prézidénti Seper Murat Niyazop musteqil döletler hemdostluqigha eza döletler bashliqlirining yighinigha özi biwaste qatnashmay, peqet muawin bash ministirini ewetken. Türkmenistanning bu herikiti eslidin lingship qalghan musteqil döletler hemdostluqigha selbiy tesirlerni körsetken bolup, yighin qatnashquchiliri qandaq qilip, Türkmenistanni mezkur teshkilat terkibide saqlap qélishni muzakire qilghan bolsimu, emma ünümge érishelmigen. Démek, Türkmenistan Ottura asiyadiki musteqil döletler hemdostluqidin birinchi bolup chiqip ketken döletke aylandi.
Mulahizichiler Seper Murat Niyazopning bu qedimining bashqa memliketlerningmu Moskwaning tesiri astidin üzül-késil qutulushi üchün ünümlük rol oynishi mumkin dep qarimaqta.

(Ümidwar)