Exmetjan Qasimi Qatarliq Rehberler Rastinla Ayropilan Hadisiside Qaza Qildimu?

Exmetjan Qasimi ailisidikiler bilen

27-awghust ,Sherqiy Türkistan inqilabining rehberliridin Exmetjan Qasimi, Ishaqbeg Munonop, Abdukérim Abbasop we Delilqan Sügürbayéw we bashqilarning qaza tapqan xatire küni dur. Bu weqege 56 yil bolsimu, biraq Uyghurlar öz rehberlirini untup qalghini yoq.
Ularning 1949-yili, 8-ayning 27-kuni ayropilan hadisiside qaza qilghanliqi Sowet hökümiti we Xitay kommunist hökümiti teripidin birdek halda dunyagha jakalanghan bolsimu, emma bu tesadipiy hadise dunya tarixidiki muhim sirliq weqelerning biri bolup qaldi hemde taki bügünki künge qeder Uyghurlar buninggha ishenmey keldi.
Exmetjan Qasimi qatarliq rehberlerning qazasining melum siyasiy arqa körünüshke ige ikenlikini shuningdek bu ölümning bashqa bir usullar bilen emelge ashurulghanliqi bir qisim milliy azadliq inqilab qatnashquchiliri teripidin otturigha qoyulmaqta.
Exmetjan Qasimi Sherqiy Türkistan jumhuryitining herbiy bölüm bashliq bolup ishligende uning bilen birge xizmet qilghan milli armiye kapitani, herbiy bölümning katipi Maxmut Parmashéw ependi Exmetjan Qasimi qatarliqlarning ayropilan hadisisi bilen qaza qilmighanliqigha özining toluq delil-ispati barliqini otturigha qoydi.
Sowét ittipaqi yimirilgendin kéyin meydangha kelgen bir qisim Rus aptorlirining Uyghurlargha ait maqale-kitabliridimu Exmetjan Qasimi qatarliqlarning Stalin bilen Maozédungning hemkarliqining qurbanlirigha aylanghanliqi otturigha qoyulghan.(Ümidwar)