Rabiye Qadir Xanim Wang Lequanning Bayanatigha Jawab Qayturdi

8 - ayning 25 - küni, Uyghur aptonom rayoni qurulghanliqining 50 yilliqi munasiwiti bilen ötküzülgen axbarat élan qilish yighinida, Xitay merkiziy siyasiy biyurosining daimiy ezasi, Uyghur aptonom rayonining partkom sékritari Wang Lequan, ataqliq Uyghur paaliyetchsi Rabiye Qadirni chetelde térroluq teshkilatlargha arilashqan we térrorluq paaliyet uyushturmaqchi bolghan dep eyiblidi.

Wang lé chüen Rabiye Qadirning amérikigha barghandin kéyin, " 3 xil küchler" ning rehberliri bilen körüshüp, térrorchilar bilen mexpiy pilanlarni uyushturghanliqini , bolupmu gérmaniyide échilghan dunya Uyghur qurultiyining 2 - qétimliq yighini jeryanida, kéchiche parangliship, Uyghur aptonom rayoni qurulghanliqining 50 yilliqi mezgilide térrorluq paaliyetlerni qandaq élip bérish heqqide meslihetleshkenlikini bildürdi .

Wang Lequan shundaqla, Rabiye Qadirning Xitay dölitige 50 milyon yüen qerzdar ikenlikini hemde Rabiye Qadirning eqide shirkiti 1994 - yilidin 2004 - yilighichejemiy 7 milyon 180 ming yüen baj oghrilighanliqini ilgiri sürdi .

Bu munasiwet bilen, muxbirimiz ömer qanat Wang léchwenning bayanati toghrisida Rabiye Qadir bilen söhbet ötküzdi .