Xitay Dairiliri Pakistandin Qoral Yötkigen 17 Kishini Sotlimaqta

Roytérs agéntliqining xewirige qarighanda, Xitay dairiliri nöwette, pakistandin Xitaygha qoral yötkigen 17 neper kishi üstidin sot achmaqta iken.

Xewerdin melum bolushiche, ma yiying we li ji qatarliq bu 17 kishi pakistandin 900 dane tapancha we 1500 din oshuq qoral zapchaslirini ekirgen. Shundaqla bularning köp qismi Uyghur élining qeshqer we chingxeyning shining sheherliride sétilghan.

Qoral yötkesh jinayitige chétilghanlar 29 yashtin 56 yashqiche bolghan kishiler bolup, ularning soti aldimizdiki shenbe künidin burun échilip bolidiken. Közetküchiler, Xitayda bu xildiki jinayetke ölüm jazasi bérilidighanliqini ilgiri sürmekte.

Xitay dairiliri xewiride, bu qorallarning Uyghur élidiki "bölgünchi" küchlerning qoligha chüshüp qélishidin endishe qilidighanliqini bildürdi. Kishilik hoquq teshkilatliri, Xitay hökümitining Uyghurlarni térrorchiliq bilen qarilap basturuwatqanliqini eyiblimekte. (Peride)