Xitay dairiliri ürümchide jenupluq 6 uyghur yashni tutqun qildi

Uyghur aptonom rayonidiki jamaet xewpsizlik dairiliri, bu yil 8 - Ayning bashliridin 10 - Ayning otturilirighiche aptonom rayon boyiche üch xil küchlerge qarshi tazilash élip baridighanliqini jakarlighandin kéyin, uyghur aptonom rayonining merkizi ürümchide xotenlik 6 yashni qolgha alghan.
Sherqiy türkistan uchur merkizining xewer qilishiche, qolgha élinghan yashlar xotenning kiriye nahiyisidin bolup, 7 - Ayning 8 - Küni senshixangzidiki "talla baziri" ning arqisigha jaylashqan binada qolgha élinghan. Ular hazir ürümchidiki nenguen saqchixanisida tutup turulmaqta iken.
Sherqiy türkistan uchur merkizi, uyghur yashlarning "qanunsiz diniy paaliyetchiler," digen guman bilen qolgha élinghanliqini bildürdi. Emma dairiler tutqunlarni eyibleydighan jinayet tapalmighan.
Qolgha élinghanlar ibrahim tursun, muhemmetjan islam, dölet rozi, alim abduqadirlar bolup, bularning eng chongi 20 yashlarda iken. Tutqunlar qolgha élinghandin kéyin ularning aile - Tawabati balilarning iz dérikini qilghan bolsimu, emma saqchilar ularni uyghur aptonom rayoni qurulghanliqining 50 yilliqini tebriklesh paaliyiti axirlashqiche tutup turidighanliqini bildürgen. (Erkin)