Xuang jü uyghur aptonom rayonigha bingtüendiki naraziliqni peseytish üchün barghan

Sherqiy türkistan uchur merkizining xewer qilishiche, yéqinda uyghur aptonom rayonini ziyaret qilghan xitayning muawin bash ministiri xuang jüning mezkur rayonni ziyaret qilishidiki heqiqi meqsidi, bingtüendiki xitay köchmenlirining könglini yasap, ularning topilang kötürüshidin saqlinish iken.

Aqsu qatarliq jaylardiki bingtüenlikler yurtigha qaytishni telep qilip, naraziliq herikiti élip barghandin kéyin, béyjing hökümiti xuang jüni uyghur aptonom rayonigha bingtüendiki xitay köchmenlirining könglini élish üchün yollighan.

Sherqiy türkistan uchur merkizining ashkarilishiche, xuang jü uyghur aptonom rayonida bingtüenliklerning öyini yoqlap, merkizi hökümetning iqtisadi, maarip, pen - Texnika we uchur ishlirida ulargha étiwar bilen muamile qilidighanliqini wede qilghan.
Bingtüendiki yurtigha qaytishni telep qiliwatqanlarning köpchiliki shangxeylikler bolup, közetküchiler muawin partkom sékritari lyu yünjing bashchiliqidiki shangxey wekiller ömikining ürümchini ziyaret qilishi bu weqe bilen munasiwetlik bolushi mumkin, dep körsetmekte.
Xuang jü, uyghur aptonom rayonidiki partiye, hökümet, armiye we bingtüen dairilirige achqan yighinda, bingtüenni sherqiy türkistan küchlirige qarshi küreshning qorghini, dep teripligen.
Sherqiy türkistan uchur merkizining xewer qilishiche, xitay dairiliri bu yil 9 - Ayning 18 - Künidin bashlap aptonom rayon boyiche bir hepte hawa mudapie signali chalidiken. (Erkin)