Xitay Chet'el Tilidiki Gezit Jornallarni Tosmaqchi

Xitay hükümiti yéqinda Xitayning gézit-jornal neshir qilip tarqitish belgilimisini qoghdap, bir qisim che'tel tilida chiqidighan gézit-jornallarni tekshürüp taqiwitish uqturushini chiqardi.

Bu uqturushni Xitayning axbarat neshriyat bash idarisi, dölet kabiti axbarat ishxanisi, soda ministirliqi, döletning soda sanaet memuri bashqurush idarisiwe memliketlik "seriq kitaplarni tazilash, qanunsiz kitaplarni yoqutush" xizmet gurupa ishxanisi birlikte élan qilghan bolup, ular asasliqi Xitayda xizmet qiliwatqan chetellik oqurmenlerni asas qilip chiqirilwatqan bir qisim gézit-jornallarni tosushni nishan qilghan.

Mezkur uqturushta yene, Xitayda chet'el tilida chiqirildighan her qandaq gezit-jornallarning choqum hökimet tesdiqlighan neshiryat orunliri teripidin chiqirilishi hemde Xitayning munasiwetlik qanun-belgilimilirige qattiq boy sunushi kerekliki tekitlengen.

Chundaqla uninggha yene, bu gezit-jornallarning mezmunlirimu Xitay qanunida belgilengen dairide bolushi, uningdin halqighan her qandaq mezmunlarning cheklinidighanliqi körsitilgen.

Xitay hükümitining chet'el yeziqidiki gezit-jornallarni tosushila emes belki Xitaydiki pütün metbuatqa bolghan kontrolluqi, xelq'ara jamaet xelidin beri eyiplep kiliwatqan mesililerning biri. (Peride)

Aliya zaifuer "RFA" din elindi
2005. 07. 19