Sherqiy Türkistan Sürgündiki Hökümitining Bash Ministiri Germaniyege Keldi

Öz xewirimiz. Sherqiy Türkistan sürgündiki hökümitining bash ministiri Enwer Yüsüp 7-ayning 7-küni Germaniyening München shehrige yetip keldi.
Sherqiy Türkistan sürgündiki hökümetning icki ishlar we information ministiri Abdujelil Qaraqash, Zibibullah, Erkin we bashqa yurtdashlar bilen ayrudurumgha chiqip kütiwaldi.

Bash ministir Enwer yüsüp München diki Sherqiy Türkistan information merkizini ziyaret qilip, xizmetlerni közdin kechürdi we bundin kéyin Sherqiy Türkistan musteqilliq mesilisini chet’ellerde téximu kengeytip, xizmet salmiqini kücheytish we hökümet paaliyetlirini janlandurush toghrisida söhbetleshti.

Bash ministir Enwer Yüsüp information merkizini ziyaret qilghandin kéyin ishlen’gen xizmetlerdin köp hursen bolghanliqini, bundin kéyin téximu yaxshi ishlep, Xitay tajawuzchilirining Sherqiy Türkistanda élip bériwatqan dölet terrorizimini dunyagha ashkarilap, musteqilliq kürishimizni yuquri pellige kötürüp, axirqi nishan’gha yétish toghrisida zor ümid kütidighanliqini eytip ötti.

Sherqiy Türkistan Sürgündiki hökümitining bash ministiri Enwer Yüsüp Germaniyediki ziyaritini tamamlighandin kéyin Türkiyege bérip “Türk dunyasi medeniyet bayrimi” gha qatnishidu.

Türk dunyasi medeniyet bayrimi 7-ayning 15-künidin 25-künigiche Türkiyening Yalowa vilayitide ötküzilidu. Nöwette teyyarliq xizmetliri jiddi ishlenmekte.

Sherqiy Türkistan Informatin Merkizi
Ertekin
2005-yili 7-ayning 7-küni.