Qazanda Qol Sherip Meschijining Eqilish Murasimi Ötküzüldi

Tataristan paytexti Qazandiki qol sherip meschitining échilish murasimigha Islam dunyasidiki ataqliq dinniy zatlar we siyasi erbaplar ishtiraq qildi. Bu murasim Qazan shehiri qurulghanliqining 1000 yilliqini xatirlesh paaliyitining bir qismi. Mmurasimgha dunya islam birligining bash katipi Aqmeleddin Ihsanoghli ishtirak qilghan. U Qul , sherip meschitining échilish nutuqini sözlidi. Murasimgha Ottura Asiya elliri Ezerbeyjan, Rusiye, Seudi Erebistan, Kuweyt, Iran, Türkiye, Misir, Birleshme Erep xelpiligi qatarliq ellerning siyasi we dinniy wekilliri qatnashqan. Qul Sherip meschiji Tataristan shundaqla pütün Rusiye boyiche eng chong tarixiy qurulushlarning biri. Meskur meschij , 1552- yili Char Rosiye qoshunliri Qazanni ishxal qilghanda weyran bolghan. Kéyinki chaghlarda meschijke Char Rusiye qoshunigha qarshi Qazanni mudapiye qilghan Tatar qehrimani Seyid Qul Sheripning nami bérilgen idi. Tatarlar bu yazda Qazan shehiri qurulghanliqining 1000 yilliqini xatirlesh üchün her xil paaliyetlerni oyushturghan. Tataristan Rusiye Fediratsiyisining bir aptonom jumhuriyiti bolsimu, emma bu Tatarlarning Qazan shehirining 1000 yilliqini tebriklesh shundaqla Qul Sherip meschijining échilish murasimini xelqariliq kölemde tebrikleshke tosalghu bolmighan. (FRA Erkin)