Rabiye Qadir Hanim Uyghurlarning Kishlik Hoqoq Üchün Dawamliq Köresh Qilidighanliqini Bildürdi

Ataqliq Uyghur kishlik hoqoq paaliyetchisi Rabiye Qadir hanim, Engiliye BBC radiyo-telewiziye shirkitining ziyaritini qobul qilip, özining kishlik hoqoqni qoghdash üchün dawamliq paaliyet élip baridighanliqini tekitlidi. Rabiye Qadir hanim 21 – iyon küni Engiliyege yétip bérip Engiliye parlamenti, helqara kechürüm teshkilati we Engiliyediki kishlik hoqoq teshkilatliri bilen uchrushup, Xitay hökümitining Uyghurlargha qaratqan siyasitidin qattiq narazi ikenlikini bildürdi. Rabiye Qadir hanim 2000 – yili 3 – ayda Xitay hökümiti teripidin chigra sirtidiki teshkilatlarni dölet mexpiyetliki bilen teminlighen digen jinayet bilen eyiplinip 8 yilliq qamaq jazasi bilen jazalanghan idi. Rabiye Hanim bu yil 3 – ayda mudettin burun qoyup berilip, Amerkigha Sürgün qilindi. Gerche Xitay dayirliri uni qoyup berish aldida, uning Amerkida hichqandaq paaliyet elip barmasliqini, eger undaq bolmaydiken baliliring tektit astida qalidighanliqini bildürüp uninggha besim ishletken bolsimu, Rabiye Qadir hanim öz xelqining kishlik hoqoqini qolgha keltürüsh üchün elip baridighan paaliyitige hichqandaq küchning tosqunluq qilalmaydighanliqini, Uyghurlarning heq-hoqoqini eslighe keltürüsh üchün yalghuz Amerkidila emes belki pütün dunyada paaliyet elip baridighanliqini jakarlidi.(Eqide)
 

Dilnar Abla "RFA" din élindi
2005.06.28