Xitay Hokumiti Uyghur Aptonom Rayon Qurulghanliqining 50 Yilliqini “Qattiq zerbe berish herkiti” bilen Kütüwaldi.

Uyghur aptonom rayonluq jamaet xewpsizlik nazariti 18-may küni her qaysi wilayet we oblasttiki jamaet xewpsizlik organlirigha uqturush tarqitip, Uyghur aptonom rayoni qurulghanliqining 50 yilliqini tebrikleshning aldi- keynide aptonom rayon boyice “Herxil jinayi heriketler” ge qarshi tazilash elip berishni orunlashturghan.

Sherqiy Türkistan ucur merkizi, zerbe berish herikitining asasi nishani atalmish terrorcilar, bölgünciler we dini esebiylerge qaritilghanliqini bildurdi. Sherqiy Türkistan ucur merkizining ashkarilishice, jamaet xewpsizlik nazaritining uqturushida mundaq diyilgen: “Sherqiy Türkistan terrorciliri, qanunsiz dini paaliyetciler, idiye sepidiki bölgünciler xelq icidiki ziddiyetlerdin paydilinip milliy toqunushqa küshkürtkücilerge zerbe berip, her qaysi jaylardiki cegra mudapi’e ponkitliri ceteldiki düshmen kuclerning icki topilang ciqirishigha qarshi aldini elish tedbirlirini qollinish kerek.”

“Tengritagh tor beti” ning seyshenbe künki xewiride, jamaet xewpsizliki nazaritining aptpnom rayon boyice “oghurluq” we “basqunciliq” jinayetlirige qarshi zerbe berish gerikiti qozghaydighanliqini xewer qilghan. Emma “Tengritagh tor beti”, zerbe berish herikitining atalmish 3 xil kuclerge qaritilghanliqini tilgha almidi, emma heriketning nishani Ili, Altay we Tarbaghatay qatarliq wilayetlerge qaritilghanliqini ilgiri surgen.

Xelqara jemiyet Xitay hokumitini terrorizimgha qarshi turushni bahane qilip, Uyghurlarning kishilik hoquqini depsende qilish bilen eyiplimekte idi.

"Erkin Asiya Rdiosi" Erkin