Xitay Komunistik Hökümitining Tarixni Burmilash Qilmishliri

Ripkat Ferkat

1945-yili 2-dunya urushi axirlashti, Yaponiye Amerikadin yengildi. Xitaydin emes.
Maozedong aldamcilar gorohi xitay hakimiyitini canggiligha kirgüziwélip, 1972-yilghice Yaponiye bilen düshmenleshti. 1972-yili Maozedongning bir puti görge sanggilighanda Yaponiye- Xitay munasiwiti normalliship, ikki dölet deplomatik munasiwet ornatti.

Maozedong bashciliqidiki xitay komunist tajawuzciliri, 2-dunya urushi axirlashqan pursettin paydilinip, Sitalin bashciliqidiki komunist terrorcilar gorohi bilen til biriktürüp, Icki Mong’ghulni, Sherqiy Türkistan jumhuriyitini we Tibet dölitini arqa- arqidin tajawuz qilip besiwaldi.

Komunist xitaylar hökümranliq qilghan xitaydiki derslik kitaplarda izcil türde “Amerika jahangirligi”, “Yapon jahangirligi”, “Yapon tajawuzciliri”- dep 55 yildin beri teshwiq qilip keldi. Derslik kitaplirigha Yaponiyening xitaygha tajawuz qilghanliqini jenining berice sözlep keldi-yu, Icki Mong’ghul, Sherqiy Türkistan, Tibet dölitige özining qilghan tajawuzciliqini tilgha epqoymidi. Öz dölitining ismini tilgha alghan Mong’ghul, Uyghur we Tibetlerni rehimsizlerce basturup, bu milletlerning tupraqliridin bashlap barliq heq- hoqulirighice tajawuz qilip, ta hazirghice bu tajawuzciliq we qirghinciliqini toxtatqini yoq.

Xitay komunist terrorcilar gorohi Xitay- Yaponiye deplomatik munasiwitining eslige kelgenlikidin paydilinip, 1979-yilidin 2004- yilghice Yaponiyedin 30 milyart dollardin köprek yardem aldi. Ösümsiz qerz, gheyri hökümet terepning bergen iqtisadi yardemliri, ammiwi teshkilatlarning bergen yardemliri, xeyri- saxawet teshkilatlirining bergen yardemliri buning sirtida.

Ghayet zor miqdardiki mebleghni élip turup, xitayning dölet icide bu toghruluq ta bügüngice hec bir xewer elan qilmidi, buni xitay xelqidin mexpi tutup keldi.
Yaponiyedin iqtisadi jehette ghayet zor miqdardiki yardemni élip turup, xitay icide we mustemlike astidiki döletlerde 55 yildin beri Yapon xelqini dawamliq düshmen qilip teshwiq qilip, Yapon’gha qarshi ewlat terbiyilidi. Derslik kitaplirida tamamen burmilan’ghan tarix we oydurup ciqilghan tarixni teshwiq qilip, özlirining tajawuzciliqini we dölet terrorliqini yoshurup keldi.

Xitay komunist hökümitining derslik kitaplirida burmilan’ghan tarixi pakitlarning bir qismi töwendikidek:
1. Cinggizxan(13-esirde) birleshme armiyisining Yaponiyege tajawuz qilghanliqi toghrisida hecqandaq xatire kirgüzülmigen. Bu xitayning “Biz tajawuzciliq qilip baqmighan” digen sözige zit kelidighanliqi ücün kirgüzülmigen.(Cin’gizxan Yaponiyege Mong’ghul- Koriye birleshme armiyisidin bolup 300 ming kishilik qoshun iwertken, emma Taifeng borinida kemiliri cöküp ketip hemmisi jehennemge seper qilghan)
2. Yaponiye- Rosiye urushi toghrisida hecqandaq melumat kirgüzülmigen. Buni Yaponiye Rosiye bilen bolghan urushta ghelibe qilip, Manjuriyeni Roslarning qolidin tartiwalghanliqidin ibaret pakitni yoshurush ücün qilghan.
3. 2-dunya urushida Yaponiye Amerikidin emes, xitay komunistik partiyisining armniyisidin yengildi, digen oydurmini teshwiq qilip kelgen.
4. 2-dunya urushidin keyinki Yaponiye toghrisida hecqandaq melumat kirgüzülmigen. Buni “Yaponiye tehditi neziriyisi” ning logikigha uyghun kelmeydighanliqidin qorqup shundaq qilghan.
5. 2-dunya urushidin keyin, xitay komunist armiyisining Tibet, Sherqiy Türkistan, Icki Mong’ghul, Manjuriye, Hindistan, Rosiye, Filippin, Vietnam qatarliq döletlerge qilghan tajawuzciliqi peqet tilgha elimighan.
6. 1950-yillarda Maozedong teripidin qozghalghan “Cong sekrep ilgirilesh” sherikitide 30 milyon xelqning acliqtin ölgenliki toghrisida hécqandaq melumat berilmigen.
7. Shimali Koriye armiyisining tajawuzi bilen bashlan’ghan Chaoxian urushini “Amerika bilen jenubi Koriye shimali Chaoxian’ge tajawuz qilghanliqi ücün bashlandi”- dep saxta teshwiqat élip berilghan.
8. Demokratiye telep qilghan namayishni qoralliq basturghan Tian’anmen weqesini “Jidelxor unsurlar döletning hulini kolighan jinayi qilmish”- dep pedazlap kelgen.
9. Tokyoda 2-dunya urushidin keyin élip berilghan xelqara sot yighini, urushta 1 milyon 300 ming xitay ölgen, dep dunyagha jakalighan bolsimu, Jiangzemin dewrige kelgende bu san özice 3 milyon 500 ming bolup özgirip qalghan.

Urush axirlashqan dewirlerde xitay hökümiti élan qilghan bayanattimu xitay tereptin 1 mılyon319 mıng 958 xitay ölgen- dep elan qilghan. “US News & World Report” jornili 1989-yili neshir qilghan “ Tenc okyan urushining 50 yilliqi” namliq sanidimu urushta 1 milyon 350 ming xitay eskirining ölgenliki elan qilin’ghan.Hazir bolsa Jiangzeminning “Qarari„ bilen tosattinla bu san 3 milyon 500 ming’gha köpiyip qalghan bolup, urushta körülgen ziyanmu bu san’gha egiship 600 milyart Amerika dollirigha ösken.

Yaponiye hökümiti xitayning yüzsizlikini bayqap, xitaygha bérip keliwatqan ODA (Official Development Assistance) nı toxtutush toghrısıda 2004-yili qarar ciqirishi bilen, xitay hökümiti öktemlik qilip awal kompartye ezalirini teshkillep, hökümetke narazi xitaylarni küshkürtüp ‚ „Yapon’gha qarshı namayısh“ oyunini oynashqa bashlighan. Gerce 1989-yildin etibaren namayishni men’i qilghan bolsimu.

Shundaq qilip xitay hökümiti “ Yapon millitarstlirining xitaygha qilghan tajawuzi“ ni tekitlesh arqiliq, ,özlirining xelqige ziyankeshlik qilghan we basturghan jinayetlirini Yaponiyege artip, xelqning xitay hökümitige bolghan gezep- nepritini Yaponiyedin ibaret “ tashqi düshmen„ ge toghrilash ücün pay - petek bolushmaqta.

Texi nomus qilmay “ Xitay –Yaponiye dostluqi“ - digen wiwiskini esiwélip Yaponiyedin dawamliq pul ündüriwelishning koyida bolushmaqta.

Sherqiy Türkistan Informatsion Merkizi
Ripkat Ferkat
2005-yili 4-ayning 21-küni