Barin Inqilabining 15 Yilliqini Xatirlesh Munasiwiti Bilen

1990-yili 4-ayning 5-küni peyshenbe, hijiriye kalendari boyiche ramizan éyining 17-küni bolup, milliy armiyisidin ayrilip qalghan Sherqiy Türkistan xelqi qirghinchiliq, milliy zulum, milliy izzet-ekramning depsende qilinishigha bolghan sebri –taqiti teship uzun waqit etrapliq hazirliq qilghandin keyin, xitay tajawuzchi hökümitige qaritip tunji zembirek oqini etishqa hazirlan’ghan we düshmen teripidin sezilip qelishqa bashlighanda Qurum taghlirining etigidiki Barin yezisida erkinlik, demokratiye, musteqilliqni ünümlük qolgha keltürüshning toghra yolini tallap aldi we xitay jatawuzchi hökümitige qoralliq hujumni bashlighan idi.

4-ayning 5-küni axshamda Qeshqer memuri mehkimisining ishxana mudiri Iminjan tuyuqsizla jiddileshken halda derwaza yenidiki nöwetchi öyige kirdi-de, telefonni qoligha élip nahiye derijiliktin yuquri kompartiye kadirliri we memuri kadirlarning öylirige bir-birlep telefon berishke bashlidi: “Derhal wilayetlik partikom yighin zaligha kélip toplininglar, merkezning muhim yolyoruqi yetküzülidu”
.
Aridin ikki sa’ettin köprek waqit ötkendin keyin Iminjan mudir yene dejornixanigha yügrep keldi we telefon turupkisini qoligha élip nahiye derijiliktin yuquri emeldarlarning öylirige telefon berishke bashlidi. “Wilayetlik partikomning yighin zaligha derhal yighilinglar, merkez bu weqening xarakterini bekitti”, U bezide Uyghurche sözlise, bezide xitayche “zey diwey kai jinji huiyi, zhongyang dingxingle, shi fan’geming baolüen”- (eksil inqilabi topilang)-dep emeldarlargha jekileyitti.

Tajawuzchilar özlirining tajawuzchiliq jinayitige iqrar bolush buyaqta tursun, tajawuzchiliqqa, qirghinchiliqqa, milliy zulumgha, fashizimgha qarshi élip berilghan heqqaniy küreshni rehimsizlerche qarilap, “Bu eksil inqilabi topilang, buni qanliq basturush kerek”- dep qarar chiqirip, xitay tajawuzchi armiyisini 1-derijilik urush halitige ötüshke buyruq bérip, Qeshqerdiki herbi qisimlarni seperwer qilishtin qorqup, 500km sherqtiki Aqsu wilayitide turushluq tajawuzchi qisimni, tanka, birawniwik qatarliq eghir tiptiki qorallar bilen bille Qeshqerge kechilep yötkep kélip, Barindiki Uyghur dehqanlarni qara-qoyuq basturushqa jiddi atlan’ghan idi.

Uni az dep, herbi tik uchar ayrupilan, bombardimanchi ayrupilanlar Qeshqer asminida huqushtek gherbiy jenupqa qarap toxtimay uchushqa bashlidi.

Barinda xitay tajawuzchilirigha qarshi jihad bashlan’ghan idi, Barindiki 10 ming dehqan qollirigha oghaqtin tartip özliri yasighan giranat we aptomat, mitiq qatarliqlarni élip erkinlikni we musteqilliqni tüptin hel qilish üchün atlan’ghan idi.

Quruqluqta élip berilghan bu küreshte tajawuzchi armiyining eskerliri Barinliqlardin nechche hesse zamniwi qorallar bilen qorallan’ghan bolsimu, özlirining nime üchün urush qiliwatqanliqini bilmeytti, ular bir-birlep yer chishleshke bashlidi. Barin dehqanliri atqan oq zaya ketmeyitti, emma düshmen Barin mujahidlirini asanliqce körelmeyitti.

Bu urushtin alaqzade bolghan Beijing hökümiti, qanliq basturushqa qomandanliq qilish shitabi tesis qilip, bashqa barliq wehshi chariler üstide izdendi. Qeshqer Yengisheher nahiyiside turushluq “Jenubi Xinjiang herbi rayoni” dep atilidighan tajawuzchi qisim 18-polktiki yüz necce Uyghur eskerlirini toplidi-de, aldinqi sepke iwertti. Uyghur eskerler Barin dehqanliri terepke miltiqini tenglep oq chiqirishqa közi qiymayitti, atmisa arqisida xitay cérikliri ularni atatti, buni derhal sezgen Barin mujahidliri Uyghur eskerlerge ünlük towlidi: “ Siler sel yan’gha ötüp turunglar, bizning düshminimiz arqanglardiki choshqa küchükliri !”. Mujahidlar Uyghur eskerlerni öltürüshni xalimayitti, shunga ustiliq bilen Uyghur eskerlerning boynining yenidin, qoltuqidin, put ariliridin arqisida keliwatqan xitay chériklirini qarigha élip atatti, her bir pay oq awazi chiqishi bilen Uyghur eskerlerning arqisidin keliwatqan xitay chérikliridin biri yer chishleyitti….Urush dawam qildi, ölgen xitay chériklirining jesetlirini mashreng herbi yük aptomobili bilen her küni onlap Qeshqer shehridin 15km jenuptiki Yuqarqi Chigtugh kentige jaylashqan “Sitang” ‘(xitaylarni kömidighan yer) dep atilidighan yerge toshup kélip kömüshke bashlidi. Bu meghlubiyet we reswachiliqqa chidimighan Beijing hökümiti emdi qara-qoyuq bombardiman qilishqa buyruq chüshürdi.

Qeshqer asminida tik uchar ayrupilandin bashqa bombardimanchi ayrupilan 4 tin qatar bolup uchushqa bashlidi, Barin asminidin bomba yaghdurdi, böshüktiki bowaqlarmu, ösmürlermu, ayallarmu qara-qoyuq bombardiman’gha tutuldi. Jeng meydanida 36 Uyghur mujahid shehid boldi. Qara- qoyuq bombardimanda shehit bolghan we yaridar bolghan böshüktiki bowaqlar, ösmürler we ayallarning sani eniq emes.

Xitay tajawuzchilirigha qarshi qoralliq inqilap basturuwetildi. Basturulghandin keyin xitay tajawuzchi hökümiti 5000 din artuq dehqanni guman bilen qolgha aldi. Bu irqiy qirghinchiliqning pursiti bolghan idi. Ashkara we xupiyane qolgha elin’ghan Uyghurlardin 4 nepirige ölüm jazasi bergenlikini élan qildi, emma türmilerde qiynap öltürüwetken we mejruh qiliwetkenlerning sanini élan qilmidi.

Xitay komunist tajawuzchiliri radio, televizor, gezit-jornallarda pütünley burmilan’ghan, saxta melumatlarni élan qilishni dawam qildi. Xitay tereptin 7 saqchi we bir Uyghur terjiman öldi”,-dep élan qildi.

Aqsu wilayitidin Qeshqer wilayitige yötkep kelgen tümen kishilik tajawuzchi qoshun toghrisida we u ölermijanlarning nechche yüzining yer chishligenligi toghrisida hechqandaq eghiz achmighan idi. Gerche, Aqsudin Qeshqergiche bolghan 500 km ariliqtiki nurghun Sherqiy Türkistanliqlar qoralliq qozghilangni basturushqa seperwer qilin’ghan xitay chériklirini, yük aptomobillirini, tankilarni, birawniwiklarni, tik uchar ayrupilanlarni, bombardimanchi ayrupilanlarni öz közliri bilen körgen bolsimu, xitay komunist tajawuzchiliri ta bügün’giche bu jinayetlirini yoshurup keldi. Mana bu xitayning tughma yalghanchiliqi we insanliq xarakterini yoqatqan rezillikidur.

Barin qozghilingi, Barin inqilawi gerche basturuwetilgen bolsimu, xitay tajawuzchilirigha Uyghurlarning, Türkiy xelqlerning, musulmanlarning xitay mustemlike hakimiyitini étirap qilmaydighanliqi, zulumgha, tajawuzchiliqqa qarshi turidighanliqi, heqqaniy küresh üchün héch nersisini ayimay jihad qilidighanliqini bildürüp qoydi. Sherqiy Türkistandin xitaylarni qoghlap chiqirip musteqil Sherqiy Türkistanni eslige keltürüp, Sherqiy Türkistan xelqining erkinligi, hörlügini qolgha keltüridighanliqini ispatlap berdi.

Barin inqilabida shehit bolghan qerindashlirimizning rohi shad bolsun!
Biz hemmimiz Barin shehitliridek tajawuzchi xitaygha jihad élan qilip, wetinimizning azaliqi, musteqilliqi üchün, xelqimizning erkinliki üchün jan tikip küresh qilishimiz kerek. Biz jezmen ghelibe qilimiz, bizning kürishimiz heqqaniy küreshtur.

Sherqiy Türkistan Informatsion Merkizi
Ruzimemet Imam
2005-yili 4-ayning 5-küni