Tebrikname

Istanbuldiki möhtirem yurt aqsaqili, Sherqiy Türkistan sürgündiki parlament ezasi Muhemmet Salihhajimning Rabiye Qadir xanimning azat bolghanliqini tebriklep yazghan mektubi.

Wetenperwer, milletperwer, heqiqi jesur Uyghur qizi, meshhur tijaretchi Rabiye xanim 1999-yili 8-ayda qizil xitay komunistik hakimiyi teripidin nomussisliz, yüzsizlik bilen ushtumtut tutuqlinip zindan’gha tashlan’ghan idi. Bigunah Uyghur anisi, Rabiye xanimge yoq bahanilerni oydurup, töhmet chaplap 8 yilliq qamaq jazasi höküm qilghan idi.

Allahning merhimiti we dunya insan heq- hoquqliri mehkimisining teptishliri we jazalash hökümliri besimidin chöchigen mustemlikichi xitay qanxor emeldarlirining 2005-yili 17-mart küni özlügidin Rabiye xanimni zindandin azat qilghanliqi biz Sherqiy Türkistan xelqige xoshxewerlik xoshalliq keypiyati berpa qildi.
Bu munasiwet bilen himmetlik, jasaretlik, merhemetlik xosh chiray Rabiye xanimning yengi hayatqa erishkenligini chin qelbimizdin xoshalliq tenteniliri bilen tebrikleymiz. Ten salametlik, xatirjemlikliri ichide bext- sa’adetlik turmush, hayat we uzun ömür ata qilishini janabi Allahtin tileymiz.

20- esirde Sherqiy Türkistan xelqi ichidin bayraqdarliq, wetenperwerlik, milletperwerlik üstün rohini jari qildurup yetishken batur Uyghur qizi Rabiye xanimning we küchlük, munewwer yazghuchi, Uyghur oghli Sidiqhajim Rozining we söyümlük perzentlirining Sherqiy Türkistan weten dawayimizge chet’ellerdiki siyasi teshkilatlirimiz bilen birlikte birlik, ittipaqimizni mustehkemlep büyük netijilerge erishishimizge hessilep küch qoshidighanliqigha ishenchimiz kamil we ümidimiz köptur.

Dunya insan heqliri qatarida Sherqiy Türkistan ziminini sümürgüchi pasiq, dektator hakimiyetning qanliq basqunchiliqidin qutulup, hör, azat, musteqil Sherqiy Türkistanning ay- yultuzluq kök bayriqining xan tengri choqqilirida jewlan qilishi üchün omumiyüzlük siyasi küreshke atlinayli! Qet’i iradimizni tiklep, tirishayli, birlisheyli, ayrilmayli!

Türkiyede yashighuchi Muhemmet Riza Bekin generalimiz bashliq jimi Sherqiy Türkistanliqlar namidin yazghuchi:

Muhemmet Salih Artish
2005-yili 20-mart, Istanbul