Sherqiy Turkistanliqlar Dunyaning Herqaysi Jaylirida Noruz Bayrimini Tebriklidi

Öz xewirimiz. 3-ayning 20-küni Otturasiya döletliride, Yawropada we dunyaning herqaysi jaylirida yashwatqan Sherqiy Türkistanliqlar Noruz bayrimini tentenilik halda ötküzdi. Shu ümlidin Türkiyening Istanbul shehri Zeytinburnidiki meydanda Noruz bayrimini tebriklesh paaliyiti élip berildi.

Istanbuldiki Yawro- Asiya Türk jemiyetliri birleshmisi, Sherqiy Türkistan hemkarliq jemiyiti, Sherqiy Türkistan köchmenler jemiyiti, Afghanistan Türkmenliri ijtimai yardem we hemkarliq jemiyiti, Afghanistan Türkliri xelqara ijtimai medeniyet jemiyiti, Korqut ata jemiyiti we Zeytinburni hökümitining teshkillishi bilen 2005-yilliq Noruz bayrimini tebriklesh paaliyiti ötküzüldi.

Noruz bayrimi merikisige Türkiyelikler, Sherqiy Türkistanliq Uyghur, Qazaq, Qirghizlar, Afghanistanliq Özbekler, Türkmenler we Yawropadin köchüp kelgen Türkiy xelqlerdin bolup mingdin artuq kishi qatnashti.

Noruz merikisining échilish murasimida Zeytinburni hökümitining mesuli Murat Aydin ependi, muawini, Yawro- Asiya Türk jemiyetliri birleshmisining reisi Dr. Ahmet Öztürk, Sherqiy Türkistan hemkarliq jemiyitining reisi Seyit Taranchi, sürgündiki Sherqiy Türkistan hökümitining muawin bash ministiri Xizirbek Gayretullah, Afghanistan köchmenliri wekilliri tebrik sözliri qildi.

Sherqiy Türkistan, Afghanistan we Türkiyening se”net ömekliri ayrim- ayrim halda senet nomurlirini körsetti.
Noruz bayrimi harpisida Yawropadiki her qaysi döletlerde olturushluq Sherqiy Türkistanliqlar, Amerika, Kanada, Awistiraliye qatarliq döletlerdiki Sherqiy Türkistan teshkilatliri özliri turushluq sheherlerde noruz bayrimini qutlap tebriklesh paaliyetlirini ötküzdi.

Sherqiy Türkistan ichi we sirtidiki barliq Sherqiy Türkistanliqlarning noruz bayrimigha mubarek bolsun!

Yeqin kelgüside noruz bayrimini Qeshqerde, Xotende, Aqsuda, Turpanda, Qumulda, Ürümchide, Ghuljida, Altayda, Chochekte hemmeylen birlikte ötküzushni qolgha keltürüsh üchün jan-pidaliq bilen küresh qilayli !

Hemmeylenning tenige salametlik, turmushigha xatirjemlik, ailisige bext-saadet tilep:
Hörmet bilen:
Sherqiy Türkistan Informatsion Merkizi
2005-yili 3-ayning 21-küni