Istanbulda Sürgündiki Hökümet Yighini Chaqirildi

Öz xewirimiz. 3-ayning 13-küni (yekshenbe) Istanbul waqti 13:00 tin 17:00 giche Türkiyening Istanbuldiki Sherqiy Türkistan köchmenler jemiyitining yighin zalida sürgündiki Sherqiy Türkistan parlamentining Türkiyediki ezaliri we hökümet rehberliri jem bolup, hökümetning bundin keyinki xizmetliri toghrisida muzakire yighini chaqirdi.

Yighin’gha Türkiyediki 35 neper parlament ezasidin 25 nepiri qatnashti, qalghan 10 nepiri ruxset bilen qatnishalmidi.Yighin’gha muawin reis Abduweli Jan, parlament reisi Pr.Dr Sultan Maxmut Qeshqeri, muawin bash minister Xizirbek Gayretullah, dölet ishliri komissari, hökümet sözchisi Ismayil Jeng’giz, parlament bash katipi Eli En’gin, Iqtisad ministiri Aydoghan Qubilay, muawin tashqi ishlar ministiri Qaraxan, parlament ezasi, Istanbuldiki yurt aqsaqili Muhammet Salih Artish we bashqa parlament ezaliri qatnashti.

Yighin erkin, azade, qizghin keypiyat ichide échildi. Yighinda Abduweli Jan, Sultan Maxmut Qeshqeri, Xizirbek Gayretullah, Muhammet Salih Artish, Qaraxan, Aydoghan Kubilay, Muhemmetimin Posma we bashqa parlament ezaliri ayrim-ayrim söz qildi.

2005-yili 7-ayning 15-künidin 25-künigiche Türkiyening Yalova wilayitide Türk dunyasining medeniyet bayrimi otkuzilidu. Türk dunyasi medeniyet bayrimigha dunyadiki 25 Türk dölitidin we Türkiyedin nechche ming kishi qatnishidu. Chet’ellerdiki Sherqiy Türkistanliq köcmenler wekilliri teklip qilinidu, teklipname tapshurup alghanlarning waqtida munasiwetlik resmiyetlerni bejirip Türkiyege jem bolushini soraymiz.

Bu qetimqi yighinda 7-aydiki merikining teyyarliq xizmetliri heqqide muzakire élip berildi we ikki hey’et teshkil qilindi. Bu hey’etler fondi heyiti we kündilik xizmet heyiti bolup, konkirit ishlarni bejiridu.

15- iyuldin 25-iyulghiche Türkiyede élip berilidighan Türk dunyasi medeniyet merikiside dunyadiki 25 dölette yashawatqan Türkiy milletlerning sen’et nomurliri kösitilidu, ilmiy muhakime yighinliri uyushturulidu, qerindashlar arisidiki dostluq kücheytilidu. Chet’ellik dostlirimizmu Türk dunyasi medeniyet merikisige teklip qilinidu. Yighinning Sherqiy Türkistan xelqi üchün xeyirlik we muweppeqiyetlik bolushini tileymiz.
2005-yili 7-aydiki Türk dunyasi medeniyet merikisige qatnishidighan qerindashlirimiz konkirit uchurlargha erishmekchi bolsa töwendiki e-mail adresigha elektironluq xet yazsa bolidu. Waqtida jawap berimiz.
info@eastturkistan-gov.org
Alaqe üchün telefon we fakis nomurliri töwendikidek:
+90-216-324 50 13 (Ish) +90-532-3029204 (yan)
Fax: +90 - 216 - 472 37 90

Hörmet bilen:

Sherqiy Türkistan Juhuriyiti Sürgündiki Hökümiti
Ertekin
2005- yili 3- ayning 16- küni.