Enqerediki Xitay Elcixanisi Aldida Qarshi Namayish Ötküzüldi

Sherqiy Türkistan medeniyet we hemkarliq jemiyiti Enqere shöbisi bashliqi Xeyrullah Efendigil heweri. 2-ayning 5-küni bu jemiyetning teshkillishi bilen Enqerediki Uyghurlar we Türk qerindashlar bolup 500 din artuq kishi jem bolup, Enqerediki Xitay elcixanisi aldigha yighilip tajawuzci komunist Xitay hökümitining 1997-yili 2-ayning 5-küni Sherqiy Türkistanning Ghulja shehride tencliq yoli bilen naraziliq namayishi ötküzgen 400 din artuq Uyghur yashni pejielik usullar bilen qirghin qilghan we qiynap öltürgenligi we undin keyinki 8 yildin beri Ili qatarliq üc wilayette 60 mingdin artuq Uyghurni tutqun qilip, 8000 adin artuq Uyghurni ashkara yaki yoshurun qetliam qilghanliqi, qalghanlirini bolsa muddetsiz we muddetlik qamaq jazasigha höküm qilip dawamliq ziyankeshlik qiliwatqanlighini qattiq eyiplidi.

Bu namayish toghrisida 4-fewral küni Türkiyening TRT televiziyoni we “Waqit geziti” aldin xewer Bergen idi. Namayishqa özligidin köp kishiler qatnashti, axbaratcilarmu Xitay elcixanisi aldigha aldin berip namayishni bashtin-axir ziyaret qildi.

Namayishta Sherqiy Türkistan medeniyet we hemkarliq jemiyiti Enqere shöbe bashliqi Xeyrullah Efendigil Xitay tajawuzcilirining tajawuzciliq, irqiy qirghinciliq, milliy zulum, qanunsiz qetliamlirini qattiq eyiplep nutuq sözlidi we Xitay elcixanisigha Xitay tajawuzci komunist hökümitining görige qoyushi ücün qara gül cembirek teqdim qildi.
Namayishchilarning bixeterligini qoghdash ücün 100 din artuq saqci Xitay elcixanisi aldida retlik toplunup wezipe otidi.Amanliq saqcilirining bashliqi jemiyet hazirlighan eyipnameni oz qoli bilen Xitay bash elcixanisigha ekirip berdi. Namayishqa Türkiye ishci-xizmetciler uyushmisining reisi we ezaliri, Türkiye toghra yol partiyisining rehberlirimu ishtirak qildi.

Namyishcilar ay-yultuzluq kök bayraq we Türkiyening ay-yultuzluq qizil bayriqini igiz kötürüp, Xitay tajawuzcilirigha qarshi lozunkilarni we “Sherqiy Türkistanda tutqun qilin’ghan siyasi mehbuslarni qoyup berish!”, ”Sherqiy Türkistan Türklerning döliti, menggü Türklerning bolidu!”--digendek lozunkilarni kötürüshüp ghezep-nepret bilen Xitay tajawuzcilirini eyiplidi.

Türkiyediki siyasi partiyiler, ammiwi teshkilatlar, diniy guruppilar we milletci guruppilar dahim digüdek Sherqiy Türkistan medeniyet we hemkarliq jemiyitining Xitay tajawuzcilirigha qarshi paaliyetlirini yeqindin qollap kelmekte. Bolupmu jemiyet merkizi jaylashqan Qeyseri wilayiti we paytext Enqerede shundaq. Türkiyediki Sherqiy Türkistan teshkilatliri icide medeniyet we hemkarliq jemiyitining paaliyetliri nahayiti janliq bolup, Türkiye hökümet dairiliri we ammiwi teshkilatlar bilen qoyuq we qerindashlarce munasiwet ornutup hemde uni küceytip, Sherqiy Türkistan musteqilliq dawasi ücün yaxshi ammiwi asas we siyasi muhit hazirlimaqta. Bu netijilerning qolgha kelishi, Seyit Tumtürk, Xeyrullah Efendigil bashliq jemiyettiki barliq hey’etler we ezalarning uzun yilliq japaliq xizmiti we tirishcanliqidin ayrilmaydu. Allah bu qerindashlirimizdin razi bolsun !

Sherqiy Türkistan medeniyet we hemkarliq jemiyitining paliyetlirini her jehettin qollap, bu qerindashlirimizning heqqaniyet yolida, Allah rizasi üchün qilghan xizmetlirini Sherqiy Türkistan xelqi hergiz untup qalmaydu, ulargha cin könglimizdin rehmet eytimiz we teximu zor ghelibiler tileymiz!

Sherqiy Türkistan Informatsion Merkizi
Ertekin.
2005-yili 2-ayning 15-küni