Ghuljida Shehit Bolghanlarning Rohi Shad Bolsun!

   Öz xewirimiz. 2-ayning 13-küni (yekshenbe) Istanbul waqti 14:00 tin 17:00 gice Türkiyening Istanbul shehri Zeytinburnigha jaylashqan Sherqiy Türkistan köcmenler jemiyitining yighin zalida 1997-yili Sherqiy Türkistanning Ghulja shehride yüz bergen paji’eni eslesh, xetme-qur’an oqush paaliyiti elip berildi.

   Ghulja paji’esi 1997-yili 5-fewralda yüz bergen bolup, sürgündiki Sherqiy Türkistan hökümiti, Istanbuldiki Sherqiy Türkistan hemkarliq jemiyiti, Sherqiy Türkistan köcmenler jemiyiti 2-ayning 6-küni (yekshenbe) Ghuljida yüz bergen qanliq basturushta shehit bolghan mujahitlirimizning rohigha Qur’an oqush, xatirilesh paaliyiti ötküzmekci idi. Bextimizge qarshi u künlerde Istanbulda qattiq qar yeghip, qatnash tosulup qalghacqa yighinni keciktürüp ecishqa mejbur boldi.

   13- fewral küni chüshtin keyin yighin sürgündiki Sherqiy Türkistan hökümiti, Sherqiy Türkistan köcmenler jemiyiti, Sherqiy Türkistan hemkarliq jemiyiti birlikte 1997-yili 2-ayning 5-küni Ghuljida Xitay tajawuzci, terrorci hökümiti yürgüzgen qanliq basturushta shehit qilin’ghan mujahitlirimiz we weten azatliqi ücün hazirghice shehit bolghan barliq mujahitlirimizning rohigha atap Qur’an oqush, dua qilish we xatirilesh paaliyiti ötküzdi.

   Yighin’gha Sherqiy Türkistan parlament re’si Sultan Maxmut Qeshqeri, sürgündiki Sherqiy Türkistan hökümitining muawin re’isi Abduweli Jan, muawin bash ministir Xizirbek Gayretullah, munasiwetlik ministir we muawin ministirlar, parlament ezasi, Istanbuldiki Sherqiy Türkistanliqlarning aqsaqili Muhammet Salih Hajim we Qirghizistan Uyghurlar ittipaqining reisi Rozimuhemmet Hajim qatarliq 20 din artuq kishi qatnashti.
Xatirilesh künide awal Shrqiy Türkistanliq diniy zatlar xetme-qur’an qilip ötti. Mubarek wetinimiz Sherqiy Türkistanning musteqilliqi yolida eziz jenini pida qilghan shehitlirimizning rohi shad bolsun! Amin !

   Xetme qurandin keyin, sürgündiki Sherqiy Türkistan hökümitining muawin bash ministiri Xizirbek Gayretulla ependi Xitay tajawuzcilirining 1949-yili 10-aydin bashlap Sherqiy Türkistan’gha tajawuz qilip kelip, barliq hile-mikir we rezil wastilarni qollinip, millitimizning batur oghlanlirini, diniy ölimalarni, ziyalilarni, oyghan’ghan kishilirimizni bir-birlep qetli qilghanliqi, Sherqiy Türkistanliqlarning cetellerge qecip ciqip nopus sanining 3 yerim milyon’gha yetkenligini, bu Sherqiy Türkistanliqlarning 55 yildin beri 50 tin artuq teshkilat qurup Sherqiy Türkistan musteqilliq dawasi elip barghanliqi, emma, BDT, xelqara teshkilatlar we döletlerning Xitay tajawuzcilirining ziyankeshligi we süyiqestlik deplomatik heriketliri tüpeylidin ünümlük bir paaliyet qilalmighanliqi, nöwettimu dunyadiki nurghun döletler Xitay tajawuzci hökümiti bilen bolghan iqtisadiy menpe’et we deplomatik munasiwetni közde tutup, Sherqiy Türkistanda bihude qirghinciliqqa ucrawatqan qerindashlirimizning qan hesabini elishqa mumkin bolmaywatqanliqi, emma, qolimizdin kelidighan ishlarning hemmini qilip wetenni axirqi hesapta Xitay tajawuzcilirining qolidin tartip elip, teltöküs musteqilliqni qolgha keltürüsh ücün küresh qilish kerekligini otturigha qoydi. Xizirbek ependi yene 55 yildin beri ceteldiki Sherqiy Türkistanliqlarning <Jemiyet qurush we yumshaq paaliyet elip berish> tin bashqa ishlarning qolidin kelmigenligini, munasiwetlik döletlerning qanun, jama’et xewpsizlik tarmaqlirining Sherqiy Türkistan jemiyetlirining paaliyetlirini, kök bayraqni ceklep qoyghanliqinimu otturigha qoyup ötti.

   Qırghizistan Uyghur ittipaqining reisi Rozimuhemmethaji yighinda ottura Asiya jumhuriyetlirining musteqilliqtin ilgiriki we keyinki ehwallirini etrapliq bayan qilip kelip, ularning Sherqiy Türkistan musteqilliq dawasigha we Uyghurlargha intayin nacar muamilide qiliwatqanliqi, ottura Asiyadiki qerindash jumhuriyetler urushsiz mustqil bolghan bolsimu, idiyisi texice komunizim bilen bulghan’ghan peti bolup, cerikliship ketken, Xitay tajawuzcilirigha qarshi andinqi septe ghayet zor bedeller tölewatqan Uyghurlarni Xitaylar bilen dos tartiship qarilap we tutup düshmenlerge ötküzup beriwatqanliqini qattiq eyiplidi. Bundin keyin barliq Türk jumhuriyetlirining Sherqiy Türkistanliqlargha düshmenlik qilmasliqini, qerindashliqimizni küceytip omumiyüzlük menpeetimizni menggü qoghdash ücün ortaq küresh qilishimiz kerek, didi. U yene Sherqiy Türkistan azat we musteqil bolmay turup bashqa ottura Asiya döletlirining tenc we bextlik yashiyalishi mumkin emes, didi.

   Istanbuldiki Yurt aqsaqili, parlament ezasi Muhammet Salih Hajim Ghulja pajiesining 8 yilliqi munasiwiti bilen tolimu etrapliq melumat berdi we Xitay terrorcilar dölitining jinayetlirini etrapliq pash qilip, xelqimizni Xitay tajawuzciliri bilen jan tikip küresh qilishqa caqirdi we shehitlirimizning rohigha dua qildi.

    Sürgündiki Sherqiy Türkistan parlament reisi Pr.Dr Sultan Maxmut Qeshqeri ependi we muawin jumhur reis Abduweli Jan qatarliqlarmu muhim söz qildi.

Sherqiy Türkistan Informatsion Merkizi
Ertekin
2005- yili 2- ayning 14- küni