Türk Dunyasi Tetqiqat Wexpi Osman Batur Xatire Yighini Uyushturdi

   Öz xewirimiz. Sherqiy Türkistan jumhuriyitining batur oghlani, egilmes-sunmas mujahid Osman Batur 1951-yili 4-ayning 29-küni Urumchide Xitay tajawuzchi hökümiti teripidin etip öltürüldi. Étip öltürülüshtin burun Ürümchi kochilirida “eksiyetchi, yerlik milletchi, bölgünchi” qatarliq böhtanlar bilen qarilinip, sazayi qilin’ghan idi. Osman Batur (1889-1951) qehrimanliq dastanini özining mustehkem imani, küchlük iradisi, Xitay tajawuzchiliri we Ros komunist tajawuzchilirigha bolghan ghezep-nepriti, igilmes-sunmas iradisi, Altay taghlirining qehriman oghlani bolush bilen, özining barliqini wetenning azatliqi we musteqilliqi üchün atash arqiliq yezip chiqqan idi.

   Türk dunyasi tetqiqat wexpi we sürgündiki Sherqiy Türkistan hökümitining teshkillishi bilen, 2005-yili 2-ayning 12-küni chushtin keyin Istanbul waqti sa’et 2 din 4 kiche Istanbuldiki Sulaymaniye Jamesi yighin zalida Osman Baturning ish izlirini xatirilesh ilmiy muhakime yighini ötküzüldi.

   Yighin’gha Istanbuldiki Tarixchilar, edipler, tilshunaslar, milletchiler, sürgündiki Sherqiy Türkistan hökümitining muawin bash ministiri Xizirbek Gayretullah, Istanbul univeristeti tebi’i jughrapiye fakoltetining doktori Fethi Ahmet Yüksel ependi we Enqere univeristeti til-tarix fakoltet oqutquchisi Dr. Erkin Emet, Enqerediki Kojatepe univeristeti oqutquchisi Dr.Erkin Ekrem qatarliq 70 tin artuq kishi qatnashti.

   Istanbul univeristeti tebi’Ii jughrapiye fakolteti oqutquchisi Dr. Fethi Ahmet Yuksel bu ilmiy muhakime yighini üchün alahide proyeksiyon lampa filimi hazirlighan bolup, Osman Baturning hayati we 2-jumhuriyitimizning aldi-keynidiki suretlik xewer we maqalilarni toplap yighin ishtirakchilirigha kompiyuterda körsitip chüshendürüp ötti we qerindashlarning qizghin alqishi hemde yuquri bahasigha erishti.

   Yighinda sürgündiki Sherqiy Türkistan hökümitining muawin bash ministiri Xizirbek Gayretullah ependi Osman Baturning hayati heqqidiki tarixi matiriyallarni eslitip ötti hemde sürgündiki Sherqiy Türkistan hökümiti qurulghan’gha qeder bolghan 55 yil ichidiki cheteldiki Sherqiy Türkistan teshkilatlirining tirishchanliqliri we paaliyetlirini kemterlik bilen otturigha qoyup, yighin ehlining alqishigha sazawer boldi. Xizirbek ependi yıghin ishtirakchilirining soallirigha etrapliq jawap berdi.

   Yigihinda pensiyige Türkiyening peshqedem ghaziliri, peshqedem ziyaliliri sözge chiqip Sherqiy Türkistan heqqide mulahiziler we eslimilerni otturigha qoydi. Sherqiy Türkistan’gha bolghan chongqur muhebbitini izhar qilip ötti we Sherqiy Türkistanning musteqiliqi üchün yaxshi tileklerni tilidi.

   Sherqiy Türkistanning azatliqi, musteqilliq, Sherqiy Türkistandiki Türkiy xelqlerning erkinligini qolgha keltürüsh üchün yighin ehli Türkiyening hökümet, ammiwi teshkilat we xelqni seperwer qilip omumiyüzlük yardem berishke chaqiridighanliqini bildürüshti.

Sherqiy Türkistan Informatsion Merkizi
Ertekin
2005-yili 2-ayning 12-küni