Sherqiy Türkistan Musteqilliq Herikiti Teshkilati Germaniyening Nurnberg Shehride Ikkinchi Qetimliq Yighinini Muwappeqiyetlik Axirlashturdi

   Öz xewirimiz. 2005-yili 2-ayning 5 - we 6 - künliri Germaniyening Nurnberg shehride Sherqiy Türkistan musteqilliq herikiti teshkilatining 2- qetimliq yighini chaqirildi.

   2004-yili 9 - ayning 1 - küni Germaniyide Sherqiy Türkistan Musteqilliq Herikiti (Sh.T.M.H) teshkilati qurulghan idi. Sh.T.M.H we Sherqiy Türkistan informatsiyon merkizi reisi Abdujelil Qaraqash 2-ayning 5-küni Nurnberg shehrige berip Sh.T.M.H ning xizmet yighini Chaqirdi. Yighin’gha Sh.T.M.H we ETIC ning munasiwetlik rehberliri qatnashti, bashqa döletlerde turushluq rehber we ezalar internet we telefon bilen ishtirak qildi.

   Yighin SH.T.M.H teshkilati qurulghan yerim yildin beri ishlen’gen xizmetlerni xulasilidi we bundin keyin ishlinidighan xizmetler toghrisida xelqimizning tüp menpeetini közde tutup muhim pilanlarni tüzüp chiqti.

   Sherqiy Türkistan musteqilliq herikiti teshkilatining teptishi Eniwer Doppa wezipisidin istipa berdi. Teshkilat Eniwer Doppining istipasini testiqlidi we ornigha Dr. Abdul Hapizni teyinlidi. Sh.T. M.H teshkilatigha bixeterlik bölümi toluqlap tesis qilindi. Bu bölüm teshkilat rehberlirini Xitay jasuslirining süyiqest we ziyankeshlikidin qoghdash wezipisini öz üstige alidu. Bölüm bashliqliqigha Lutpulla teyinlendi. Aliye Zefer ayallar bölümige bashliqliqqa, Dilnur Abla muawin bölüm bashliqliqigha teyinlendi.
Murat Chaqmaq, Rozimemet Imam, Lutpulla, Mukerrem, Muherrem, Aliye Zefer we Dilnur Ablalar teshkilatqa yéngidin qobul qilindi.

   Yighinda bundin keyin tajawuzchi Xitay hökümiti yürgüziwatqan türlük zulumlarni ETIC ning internet sehipisi we bashqa wastilerdin paydilinip chetellerge teshwiq qilishni kücheytip, Xitay tajawuzchilirining yalghanchiliq, ighwagerchilik, oydurmichiliq qatarliq neyrengwazliqini pash qilish bilen bille, xelqara teshkilatlar we her qaysi döletlerdiki Sherqiy Türkistan musteqilliq kürishini qollaydighan diniy, milliy qerindashlar, insanperwerlikni, heqqaniyetni qollaydighan teshkilat we shexsler bilen bolghan hemkarliqni kücheytip hemde ularning yardimini qobul qilip, barliq chare-tedbirlerni ishqa selip Sherqiy Türkistandiki Xitay tajawuzchi hökümitining qirghinchiliq we barghanseri eghirlishiwatqan milliy zulumigha qarshi jamaet pikri hazirlap, tajawuzchilarning dölet terrorluqi bilen omumiyüzlük küreshni qanat yaydurush üchün zörüri teyyarliq xizmetlirini ishlesh toghrisida muzakire qilindi. Germaniyening Munchen we Nurnberg shehride turushluq Türk teshkilatlirining mes’ulliri yighin’gha ishtirak qildi we SH.T.M.H ning paaliyetlirini qollaydighanliqlirini bildurüshti.

   Yighin Sherqiy Türkistan Jumhuriyitining musteqilliqini qolgha keltürüp, Sherqiy Türkistan Sürgündiki hökümiti we bashqa Sherqiy Türkistan teshkilatliri bilen hemkarliship, emeliy ish qilip, küreshning nishanini éniq belgilep, mentiqisiz we ehmiyetsiz ishlardin saqlinip wetinimizni tajawuzchilardin azat qilip teltöküs musteqilliq we erkinlikni qolgha keltürüsh üchün tiriship küresh qilishni otturigha qoydi.

   Sherqiy Türkistan Musteqilliq Herikiti teshkilati orgini muzakire qilip teshkili aparatini toghrisida töwendikidek qarar chiqardi:

   Sherqiy Türkistan Musteqilliq Herikiti teshkilatining teshkili aparati töwendikiche:

Reis: Abduljelil Qaraqash (Germanye)
Qushumchhe diniy ishlar wezipisini öteydu
Muawin Reis : Erkin Ezizi ( Türkiye )
Bash Katip: Rukiye Turdush ( Kanada)
Fondi Reyisi Abdullah ( Seudi Erebistan)
Teptish : Dr.Abdul Hapiz (Germaniye )
Yashlar Bolumi Reyisi Alimjan Oghuz ( Germanye)
Muawini: Rozimet Imam (Germanye)
Muawini: Yashar Uyguroghli ( Norvigiye)
Ayallar bölümi: Aliye Zefer (Germaniye)
Muawini: Dilnur Abla (Germanye)
Bixeterlik Bölümi mes’uli: Lutpulla

Sehiye Bolum mesuli Peridun Abdusemet ( Germanye )
Terjime Tehrir Bölumi
Englishchhe terjime bölümi mesuli Nurlan Jumaruv
( Ottur Asiya )
Henzuchhe terjime bölüm mesuli Tarim Oghli
( Ottur Asiya )
Erebchhe Terjime bölümi mesuli Ummi Gulsum
( Seudi Erabistan )
Teshwiqat. we medeni muaarip xizmetliri ETIC mesuliyitide élip bérilidu.
Bu qetim toluqlap teyinlen’gen ezalar:
Murat Chaqmaq, Mukerrem, Muherrem, Lutpulla qatarliqlar.

   Cheteldiki barliq teshkilat we shexslerning Sh.T.M.H teshkilatimizning xizmetlirini yéqindin qollishini semimi ümit qilimiz.

Hörmet bilen:
Sherqiy Türkistan Musteqilliq Herikiti Teshkilati
(Ertekin)
2005-yili 2-ayning 6-küni