Abdujelil Qaraqash Gherbiy Trakye Türklirining Qurultiyigha Qatnashti

    Öz xewirimiz. Merkizimizning reisi Abdujelil Qaraqash 1-ayning 28-künidin 30-künigice Germaniyening Munchen shehridiki Holf mehmanxanisida “Gherbiy Trakya aile birligi” sahipxanliqida caqirilghan gherbiy Trakya Türkliri tetqiqat merkizining qurultiyigha qatnashti.

Bu qurultaygha Germaniye, Türkiye, Vin’giriye, Belgiye, Bulgharistan, Romaniye we sabiq Yugoslawiyedin musteqil bolghan döletler bolup 10 dölettin 100 din artuq wekil qatnashti.

Qurultayda herqaysi döletlerdin kelgen wekiller gherbiy Trakya we özliri turushluq döletlerdiki az sanliq milletler mesilisi we kishilik hoquq mesilisini nuqtiliq muzakire qildi.

Merkizimizning reisi Abdujelil Qaraqash qurultayda Sherqiy Türkistanda Xitay tajawuzci hökümitining Uyghurlargha qarita yürgüziwatqan kishilik hoquqni depsende qilish, milliy medeniyetni yoqutush qilmishliri we irqiy qirghinciliq qilmishlirini qattiq eyiplidi.

Abdujelil Qaraqash her qaysi döletlerdin kelgen wekillerni, özliri turushluq döletliride Xitay tajawuzci hökümitining Sherqiy Türkistanda yürgüziwatqan irqiy qirghinciliq, medeniyet,maarip jehettiki buzghunciliq we kishilik hoquqni eghir derijide depsende qilish qilmishlirini eyipleshke seperwer qildi.
Yighin intayin qizghin keypiyat icide muweppeqiyetlik ötküzüldi.

Sherqiy Türkistan Informatsion Merkizi
Ruzimemet Imam
2005-yili 2-ayning 1-küni