Yapon Xelqige Éytilghan Xitap

Uygur Taro

Sherqiy Türkistan éniqini éytqanda Uygurlarning dölitidur. Ottura asiyadiki qérindash milletler we Uygurlar bu tupraqni “Uyguristan” depmu ataydu. Uning xelqi Uygur, Qazaq, Qirghiz, Özbek, Tatar, Tajik, Tung’gan, Mong’ghul qatarliqlar bolup, Xitaylar téxi yéqindila Xitaydin tajawuz qilip kirgen tajawuzci ahalidur. Sherqiy Türkistanning medeniyiti we tarixini Sherqiy Türkistan xelqi yaratqandur.
Kompartiyege étiqad qilidighan Xitay tajawuzciliri 55 yil ilgiri goya tilemchilerdek qiyapet bilen Sherqiy Türkistan’gha éqip kirip, Sherqiy Türkistanning nenini yep, Sherqiy Türkistanning öylirige makanliship, qorsighi toyghandin kéyin deslepte kelgen chaghliridiki halini tamamen untup “Bu tupraq Xitayning”-dep nomussizlarche jöylümekte. “Nime diding> dep soal qoyghan Sherqiy Türkistanliqlarni basquchlargha bölüp türlük siyasi qalpaqlarni keydürüp ziyankeshlik qilip öltürdi we qanliq basturup keldi.
Xitay millitining tajawuzi yalghuz bayliqqa bolghan tajawuzchiliqla bolmastin, belki tupraqqa bolghan tajawuzchiliq, tupraqning igilirige bolghan tajawuzchiliq we qirghinchiliq, uning medeni mirasliri we hazirqi medeniyitini yoqutush bolup, Sherqiy Türkistan xelqining siyasi, herbi, iqtisadi, medeniyet we kündilik turmushighiche bolghan tajawuzchiliq we yoqutush qilmishi bolup, qarshi turghan Sherqiy Türkistan xelqini basturup turughluq özlirining Xitay terrorchiliqi (Xitayning dölet terrori) ni yoshurush bilen bir waqitta, dunyani aldash üchün pay-petek bolmaqtidur.
Sherqiy Türkistanda Sherqiy Türkistan xelqi sirtqa chiqmaqchi bolsa kimligini Xitay saqchilirigha körsetmise bolmaydu-yu, Xitaydin Sherqiy Türkistan’gha emdila kelgen poyizdin chüshken Xitay herbi eslihelerge, hökümet orunlirigha xalighanche kireleydu. Kimliki bolmisimu herqandaq yerge baralaydu, oqush tarixi bolmisimu ishqa orunlishalaydu, qaraqchi bolsimu öseleydu, pahishe bolsimu istiqbali parlaq boliwéridu.

Sherqiy Türkistanda sehralardin sheherlergiche Sherqiy Türkistanliqlar körünushte “tebessumluq” körünsimu, yürigining chongqur qatlirida Xitay miliitige intayin öchtur. Sherqiy Türkistanda Xitay tajawuzchi aqqunliri milyon kishilik tajawuzchi armiyisining himayiside körenglimekte, emma musteqilliq heriketliri ewj élip partilaydighan bolsa “Bürkütke yoluqqan toshqandek” sür’itini ashurup Xitaygha qarap tikiwétidu. Bu tarix ispatlighan pakittur. Honlardin, Türklerdin qorqup seddichin sepilini soqup chiqqan Huaxia millitining qeni we xarakteri hazirmu özgergini yoq we özgermeydu.

Sherqiy Türkistan Sherqiy Türkistanliqlarning Sherqiy Türkistanidur. Xitay milliti tajawuzchi bolup, ularni qoghlap chiqirip, musteqilliqni ishqa ashurup, erkin, demokratik, ténch Sherqiy Türkistan jumhuhriyitini qurush-bizning tarixi burchimizdur. Tarixning sehipilirini waraqlaydighan bolsaq, Türk, Uygur xandanliqlirini, sulalilirini qurup Yawro-Asiyaning soda we medeniyitige zor töhbiler qoshqan biz Uygurlar Xitayning mustemlikisi astigha chüshüp qélip, xuddi “maymunning qapqinigha dessep salghan arslandek” uxlap yatmaqtimiz.

Men Sherqiy Türkistanni söyimen. shereplik ejdatlirimdin miras qalghan bu tupraq ücün jenimni tikip Xitay tajawuzchiliri bilen küresh qilimen. Wetinim ücün, étiqadimni qoghdash üchün küresh qilimen. Ewladlirimning bexti üchün küresh qilimen. Ténchliqqa yol qoymaywatqan Xitay tajawuzchiliri bilen küresh qilimen. Bextimizge yol qoymaywatqan Xitay tajawuzciliri bilen küresh qilimen. Kishilik hoquqimizni depsende qiliwatqan Xitay tajawuzchiliri bilen küresh qilimen. Ewladlirimgha Sherqiy Türkistanda Xitay tajawuzchilirini miras qilip qaldurmasliq ücün küresh qilimen.

Sherqiy Türkistanda eqelli kishilik hoquq, igilik hoquqi toghrisida gep qilghanlarni Xitay hökümiti her qaysi tarixi dewrlerde türlük qebih wastilar bilen eyiplep basturup keldi. Asiya, Amerika, Yawropa, Afriqa, Austiraliyelerdiki herqaysi döletler, xelqara teshkilatlarni delte chaghlap yürgen Xitay kommunist dektator hakimiyitini aghdurup tashlap, uni jehennemge uzitidighan zaman keldi! Sherqiy Türkistan xelqini seperwer qilip, Tibet, Mong’gul qatarliq zulum astidiki qérindash milletler bilen qol tutushup, xelqaraning qollishini qolgha keltürüp, tajawuzchilar bilen küresh qilip, Sherqiy Türkistan, Tibet, Ichki Mong’ghulning musteqilliqini ishqa ashurup, Asiya we dunya ténchlighini emelge ashurup, insaniyet medeniyet tereqqiyatigha zor töhpiler qoshup, bexttin hemmeylen teng behriman bolidighan dunyani ishqa ashurush méning ghayemdur.

Sherqiy Türkistanliqlarning neziride siyasi, herbi, iqtisadi hoquqni changgiligha kirgüziwalghan Xitay tajawuzchiliri insaniyetning alwastisi, ténchliqning düshmini, kishilik hoquqning düshmini, medeniyetning düshmini, muhit bulghinish we meniwi bulghinishning peyda qilghuchisi, gheyri normal insanlardin bashqa nerse emestur.
Dunyaning tenchlighini söyidighan siler bilen qol tutushup, déktator Xitay hakimiyitini aghdurup tashlap, Sherqiy Türkistan, Tibet, Ichki Mong’ghulning musteqillighini ishqa ashurup, Asiay we dunya tenchliqini, tereqqiyatini ishqa ashurush méning ghayemdur.

Qanliq basturiliwatqan Sherqiy Türkistan xelqige hésdashliq qilip, Sherqiy Türkistanning musteqilliq herikitini qollishinglarni we yardem qilishinglarni ümit qilimen.
Hörmet bilen:

Sherqiy Türkistan Sürgündiki Hökümiti
Sherqiy Türkistan Informatsion Merkizi

Uygur Taro