Sherqiy Türkistan Sürgündiki Hökümiti Istanbulda 2-Qétimliq Söhbet Yighini Çaqirdi

Öz xewirimiz. 10-ayning 17-küni Istanbul waxti 13:00 din 16:00 ghiçe Sherqiy Türkistan sürgündiki hökümiti Istanbuldiki Sherqiy Türkistan köçmenler jemiyitide 2-qétimliq söhbet yighini ötküzdi.

Söhbet yighinigha Sherqiy Türkistan sürgündiki hökümitining Istanbulda olturushluq ezaliridin muawin reis jumhuri Abduwéli Jan, Mejlis bashliqi Pr.Dr.Sultan Mahmut, maliye ministiri Qubilay Aydoghan, Sherqiy Türkistan köçmenler jemiyitining rehberliri, Istanbuldiki yurt aqsaqalliridin Muhemmet Salih hajim qatarliq 50 tin artuq kishi qatnashti.

Yighinda mejlis bashliqi Sultan Mahmut ependi we maliye ministiri Qubilay Aydoghan ependi ötken ayda Washin’gtonda qurulghan suügündiki hökümetning qurulush jeryani, qurulghandin keyin ishlen’gen xizmetler toghruluq köpçilikke tepsili doklat berdi.

Mejlis bashliqi Sultan Mahmut ependi 1992-yildin béri Sherqiy Türkistan teshkilatlirining qurulush, tereqqi qilish jeryani, ötken ayda Amerika paytexti Washin’gitonda hökümet qurush jeryani, hökümetning demokratik asasta qurulghanliqini, omumi weziyetni közde tutup namzat körsütüsh, awazgha qoyush qatarliq usullarning qollan’ghanliqini, bu qétim qurulghan qurulghan hökümetning tarixi ehmiyitini tekitlep ötti. Hökümet ezalirini qisqiçe tonushturup ötti we 1949-yil axirida Xitay komunistliri teripidin fashistik suyiqest we fashistik wastiler bilen Sherqiy Türkistan hökümitining yoq qilin’ghanliqi, 55 yildin keyin hökümetning Amerikida qurulghanliqi qatarliq tarixi weqelerni bayan qilip ötti.

Andin, muawin reis jumhur Abduwélijan, Muhemmet Salih hajim we bashqa yighin ishtirakçiliri nöwet bilen söz qilip xelqara weziyet, hökümetke ait mesililer üstide keng tasha pikir almashturdi we mulahize élip bardi. Köpçilik Sherqiy Türkistan sürgündiki hökümitining qurulghanlighidin intayin xursen bolghanliqini we pexrlen’genligini bayan qildi we hökümetni çin dilidin qollaydighanlighini izhar qilishti.

24-öktebir (yekshenbe) İstanbuldiki Sherqiy Türkistanliq jamaetke iptarliq bérish orunlashturuldi we kéler ayda Amerikida éçilidighan hökümetning yighinigha qatnishidighanlarning munasiwetlik resmiyetlerni waqtida béjirishi telep qilindi. Yighin ehli hökümetni küçeytish we rawaj tapquzush üçün imkaniyetning beriçe yardem beridighanliqini we qollaydighanliqini bildürüshti.

Yighin dostane, semimi,qizghin keypiyat içide elip berild. Yighin ishtirakçiliri 55 yildin beri teshnaliq bilen kütken hökümetning emdi qurulghanlighidin özlirini bextlik hes qiliwatqanliqini, Serqiy Türkistanning musteqilliq tengining pat arida étishigha ümit bilen baqidighanliqini we ishinidighanliqini, pütün küçi bilen hökümetning xizmetlirini qollaydighanliqini bayan qilip ötti.

Sherqiy Türkistan Informatsion Merkizi
Ertekin
2004-yili 10-ayning 18-küni