Republic Of East Turkestan
Sherqiy Türkistan Jumhuriyiti

Hökümet Orgini
P.O Box 3680 – Oakton, VA 22124 USA
Tel: (571)344-3886    Fax: (703)591-4257
Alaqe telefoni: 0533.715 15 90
Internet sehipisi:  www.etnfc.org

Hökümet Bayanati

 4-Nomurluq 

2004-yili 10-ayning 15-küni Saet 10:00 

Sürgündiki Sherqiy Türkistan Hökümiti Qurulghinigha Bir ay Toldi 

1. 2004-yili 9-ayning 14-küni saet 14:30 da Washin’gitonda qurulghan sürgündiki Sherqiy Türkistan Hökümiti bir aydin béri tebriknamilerni tapshurup aldi. Erkin dunyada yashawatqan Sherqiy Türkistanliqlarni hemde xelqara jemiyetni hökümitimiz heqqide xewerdar qilish ishliri ishlendi 

2. Amerikida paaliyet qiliwatqan Sherqiy Türkistan azatliq merkizi we Sherqiy Türkistan jamaiti, Türkiyede paaliyet qiliwatqan Sherqiy Türkistan köçmenler jemiyiti, Sherqiy Türkistan hemkarliq jemiyetliri, Sherqiy Türkistan wexpi, Germaniyide paaliyet qiliwatqan Sherqiy Türkistan informatsion merkizi, Sherqiy Türkistan musteqilliq herikiti teshkilati, Dunya Uyghur dostluq jemiyiti, Awstiraliyediki Sherqiy Türkistan jemiyiti, Koriyede paaliyet qiliwatqan Uyghur medeniyet merkizi we jamaiti, Kanada, Gollandiye, En’giliye, Seudi Erebistan we bashqa döletlerdiki Sherqiy Türkistanliq jamaetning hemkarlishishi hemde xelqara kishilik hoquq teshkilatlirining qollishi arqisida qurulghan “Sürgündiki Sherqiy Türkistan Hökümiti”–1933-yili we 1944-yili qurulghan “Sherqiy Türkistan Hökümiti” Ning dawami bolup, bash ministirimiz bu hökümetning bir aygha tolghanliqini xatirilesh munasiwiti bilen hökümet bilen alaqe baghlighan, hemkarlashqan we qollighanlargha teshekkur eytidighanliqini bildurdi. 

3. Hökümitimiz erkin dunyada paaliyet qiliwatqan herqaysi Sherqiy Türkistan wexpiliri, jemiyetliri we medeniyet merkezlirining birlishishi bilen Wujutqa kelgen “Dunya Uyghur Qurultiyi” ning 2004-yili 8-öktebirdin 10-öktebirgiçe Germaniyede éçilghan yighinida çiqirilghan qararda hökümitimizni qollash we hemkarlishish heqqidiki arzuliri pirizdentimiz we bash ministirimiz teripidin xoshalliq bilen qarshi elindi. 

4. Hökümitimiz 2004-yili 9-ayning 14-küni dunya xelqige qurulghanliqini jakalap tarixi burçini ada qildi. Bash ministirimiz hörmetlik Eniwer Yusup, “Sherqiy Türkistan Hökümiti”ning Amerikida paaliyet élip bérishida Heçqandaq tosalghuning bolmighanliqini alahide éytip ötti. “Kishilik hoquq” we “Demokratiye” jehettin hökümitimizge bolghan qollash we himaye qilishlar xelqimizni xoshal qilghanliqigha munasiwetlik xewerler teshkilatlar we jemiyetlerge yetküzüldi. 

5. Pirizdentimizning testiqlishi bilen bash ministirimiz Eniwer Yusup, hökümitimizning “Paaliyet programmisi” we “Otkünçi Asasi qanun lahiyesi” ning munasiwetlik zatlargha we teshkilatlarning paydilinishi üçün iwertilgenligini otturigha qoydi we 2004-yili 11-ayning 20-künidin 25-künigiçe Parlament ezalirining qatnishishi bilen éçilidighan mejliste hökümitimizning “Paaliyet programmimsi” ning maqullinishi bilen  birlikte “Qesem bérish murasimi” élip bérilidighanliqini, qesem bérish  murasimidin kéyin ministirlar kollektiwining 5 yil wezipide turidighanliqini éniq otturigha qoydi. Amerika qoshma shitatlirida ötküzilidighan “Qesem bérish murasimi” gha barliq Sherqiy Türkistanliqlarni teklip qilimiz. 

6. Hökümitimizning we parlamentimizning derwazisi, Sherqiy Türkistanning musteqilliqi we hörlüki üçün küresh qiliwatqan barliq Sherqiy Türkistanliqlargha we Sherqiy Türkistan teshkilatlirigha oçuqtur. 

Ismayil Jen’giz
Sherqiy Türkistan Jumhuriyiti
Hökümet bayanatçisi we Sayahet ministiri

 (Türkçidin terjime qilghuçi: Ertekin)

 15.10.2004