Germaniyede Xitaygha Qarshi Namayish Ötküzüldi

< Dunya Uygur Qurultiyi > we < Yawropa Sherqiy Türkistan Birligi > ning orunlashturushi bilen Bugun, Xitay xelq jumhuriyiti qurulghanliqining 55 - yilliqi we atalmish < Xinjiang Uygur Aptonom Rayoni > qurulghanliqining 49 - yilliqi munasiwiti bilen, Germaniyening München shehridiki Xitay konsulhanisi aldida naraziliq namayishi otkuzuldi. namayishqa München shehride yashawatqan Uygurlardin bashqa yene, < Içki Monggholistan Démokratik Xelq Partiyesi > ning reyisi Temsiltu bashçiliqidiki bir gurup Mongghulmu kélip qatnashti we Uygur namayishçilarning shoarlirigha ortaq boldi.
Namayish Germaniye waqti etigen saet 10.30 din 12.30 giçe dawam qildi.

Namayish jeryanida yamghur yeghip, namayishçilarning üsti - béshi çiliq - çiliq höl bolghan bolsimu, emma ular Uygurçe, Xitayçe we Germançe tillarda ikki saetkiçe tohtimay Xitay hakimiyitige qarshi jarangliq shoar towlap, Qanxor Xitay hakimiyitige we Sherqiy Türkistan xelqighe zorlap tengilghan atalmish < aptonom rayon > gha bolghan naraziliqlirini bildürüshti.
Namayish jeryanida nöwet bilen < Yawropa Sherqiy Türkistan Birligi > ning bash katiwi we DUQ wekili Umit Agahi, DUQ ning bash katibi Dolqun Eysa, muawin bash katip Perhat Muhemmidi, DUQ içki ishlar komutiti reyisi Ablimit tursun qatarliqlar namayishçilargha xitaben söz qilip, kommunist Xitay hakimiyitining 49 - yilidin buyan Sherqiy Türkistan xelqighe qarita yürgüzüp kéliwatqan qanliq basturush siyasiti we atalmish < aptonom rayon > qurulghandin buyan Sherqiy Türkistan xelqini atsimilatsiye qilip yoqutush üçün systimiliq élip bériwatqan basturush siyasetliri heqqide çüshençe we melumat berdi.
Namayishta Xitay hokumitining 55 yildin buyan Uygurlargha yürgüziwatqan basturush siyasetliri bayan qilinghan Germançe teshwiqat waraqliri tarqitildi, Xitay elçihanisining aldigha naraziliqning simowuli hésaplanghan qara gülçembirek qoyuldi.
Namayishni bezi Germaniye we Türkiye muhbirlirimu izlidi.
Namayishqa qatnashqan Mongghul qérindashlarmu shoar towlashqa riyasetçilik qilip, < Yashisun Sherqiy Türkistan ! Yashisun musteqilliq ! bizge aptonom rayon emes, musteqilliq lazim ! > digendek shoarlarni towlap, Uygur qérindashlirigha medet berdi.
Namayishqa qatnashqanlar Sherqiy Türkistanning ay - yultuzluq kök bayriqi bilen Mongghullarning musteqilliq bayriqini we Xitay hakimiyitining Uygurlargha qaratqan zulumliri namayen qilinghan lozunka we tahtilarni kötürüp çiqti.
Bu qétimqi namayishqa qatnashqan Uygurlarning yérimigha yéqinraqi ayallardin terkip tapqan bolup, xanim - qizlarning jarangliq shoarliri etiraptiki ammini alahide jelip qildi.
Namayish nahayiti retlik we tertiplik ötti.

< Dunya Uygur Qurultiyi > we < Yawropa Sherqiy Türkistan Birligi > teshwiqat bölümliri