Sherqiy Türkistan Sürgündiki Hökümiti Istanbulda 2-Qetimliq Muxbirlarni Kütiwélish Yighini Ötküzdi

Öz xewirimiz. Türkiyening Istanbul shehridiki “Sherqiy Türkistan Köçmenler Jemiyiti” ning yighin zalida, 9-ayning 26-küni Istanbul waxti saet 12:30 din 14:00 giçe 14-sentebir Amerika paytexti Washingtonda qurulghan “Sherqiy Türkistan Sürgündiki Hökümiti” muxbirlarni kütiwélish yighini  açti.

Yighin’gha Istanbuldiki Sherqiy Türkistan hemkarliq jemiyitining bashliqi Seyit Tarançi, Sherqiy Türkistan köçmenler jemiyitidiki barliq ezalar we Istanbulda olturushluq Uygur, Qazaq qérindashlar bolup 100 din artuq kishi qatnashti.İstanbul wilayetlik MHP (Milliyetçi Heriket Partiyisi) ning bashliqi yıghın’gha ishtirak qildi we Sherqiy Türkistan hökümitini qollaydighanliqini, Sherqiy Türkistanning musteqilliq küreshlirini qollaydighanliqini, Sherqiy Türkistan xelqining hörlük, erkinliki üçün tegişlik yardemlerni béridighanliqini eytip ötti.

Muxbirlarni kütiwélish yighinigha Türkiyening “Milliyet Géziti”, “Sabah Géziti”, Türkiye dölet televiziyisi “TRT” xewer merkizi, Reuters xewer agentliqi (TV), Qanal 7 televiye istansisi qatarliq axbarat idarilirining muxbirliri qatnashti.

Washingtonda qurulghan Sherqiy Türkistan sürgündiki hökümet ezaliridin muawin jumhur bashliqi Abduweli Jan, Milliy mejlis bashliqi Sultan Mahmut Qeshqerlik, Sayahet ministiri, qoshumçe hökümet bayanatçisi Ismayil Jen’giz we Dehqançiliq ministiri Nefise Özgen qatarliqlar qatnashti.

Muxbirlarni kütiwélish yighinida Sherqiy Türkistan sürgündiki hökümitining bayanatçisi Ismayil Jen’giz hökümetning 2-we 3-nomurluq bayanati (http://www.uygur.org/kivilçim/son.html )ni asas qilip, muxbirlargha sürgündiki hökümetning qurulush teqezzasi, qurulush jeryani we Sherqiy Türkistanning yéqinqi 70 yilliq tarixigha a’it weqelerni yetküzdi. Milliy mejlis bashliqi Sultan Mahmut Qeshqerlik Amerikida qurulghan Sherqir Türkistan hokümitining nöwettiki we bundin keyin qilidighan ishliri üstide toxtaldi hemde Awustiraliyediki Sherqiy Türkistan jemiyitining yengi saylam paaliyitini mehmaniargha yetküzdi.

Undin kéyin, Ismayil Jen’giz, Sultan Mahmut Qeshqerlik we Abduweli Jan ependiler Telewiziye istansisi we gezitxana muxbirlirining Sherqiy Türkistan sürgündiki hökümiti toghrisida sorighan soallirigha semimi jawap berdi.

Sherqiy Türkistan sürgündiki hökümiti Amerikida qurulushi bilen Türkiyening TRT2 qanili sun-i hemra arqiliq putun dunyagha xewer bergen idi. 9-ayning 22-küni bayanat élan qilish yighini ehwalini Türkiyediki “Ulusal” televiziyisi, Qanal 5 qatarliqlar televiziye istansiliri we Höriyet, Terjiman, Yengi Shepeq, Waqit, Aydinlar jornili qatarliqlar arqa-arqidin xewer qilghan idi. Bügün Qanal 7 İstanbul waxti 19:00 da bügünki muhbirlarni kütiwelish yighini xewer qildi.
27-séntebirdin bashlap Reuters agenliqi putun dunyadiki televiziye istansiliri arqiliq bu xewerni elan qilidighanliqini eyitti. TRT mu 27-séntebirdin bashlap bügünki muhbirlarni kütiwelish yighinini xewer qilidu.

Sherqiy Türkistan Informatsion Merkizi
Ertekin
2004-yili 9-ayning 26-küni