Sherqiy Türkistan Sürgündiki Hökümiti Istanbulda Muxbirlarni Kütiwélish Yighini Ötküzdi

Öz xewirimiz. Türkiyening Istanbul shehri Zeytinburnidiki “Sherqiy Türkistan Köçmenler Jemiyiti” ning yighin zalida, 9-ayning 22-küni Istanbul waxti saet 10:00 din 12:00 giçe 14-sentebir Amerika paytexti Washingtonda qurulghan “Sherqiy Türkistan Sürgündiki Hökümiti” muxbirlarni kütiwélish yighini açti.

Yighin’gha Istanbulda olturushluq Uygur, Qazaq qérindashlar bolup 100 ge yéqin kishi qatnashti.
Muxbirlarni kütiwélish yighinigha Türkiyening “Zaman Géziti”, “Huriyet Géziti”, Yéngi Shepaq Géziti”, “Waqit Géziti”, “Yéngi Asiya Géziti”, “Sitar Géziti” , “Ixlas Xewer Agentliqi”, “Sitar TV”, “Jahan Xewer Agentliqi” televiziyisi qatarliq axbarat idarilirining muxbirliri qatnashti.

Washingtonda qurulghan Sherqiy Türkistan sürgündiki hökümet ezaliridin muawin jumhur bashliqi Abduweli Jan, Sayahet ministiri, qoshumçe hökümet bayanatçisi Ismayil Jen’giz we sehiye ministiri Reshide Genjer qatarliqlar qatnashti.

Muxbirlarni kütiwélish yighinida Sherqiy Türkistan sürgündiki hökümitining bayanatçisi Ismayil Jen’giz hökümetning 2-we 3-nomurluq bayanati (http://www.uygur.org/kivilçim/son.html )ni asas qilip, muxbirlargha sürgündiki hökümetning qurulush teqezzasi, qurulush jeryani we Sherqiy Türkistanning yéqinqi 70 yilliq tarixigha a’it weqelerni yetküzdi.
Undin kéyin, Ismayil Jen’giz we Abduweli Jan ependiler Telewiziye istansisi we gezit muxbirlirining Sherqiy Türkistan sürgündiki hökümiti toghrisida sorighan soallirigha semimi jawap berdi.

Sherqiy Türkistan sürgündiki hökümiti Amerikida qurulushi bilen Türkiyening TRT2 qanili sun-i hemra arqiliq putun dunyagha xewer gergen idi. 9-ayning 22-küni bayanat élan qilish yighini ehwalini Türkiyediki “Ulusal” televiziyisi xewer qildi.

Sherqiy Türkistan Informatsion Merkizi
Ertekin
2004-yili 9-ayning 22-küni