Xitay Hökümiti Senshia Su Ambirigha Éghir Tipliq Qorallar Bilen Qorallan’ghan Herbiy Orunlashturdi

Reuters Agentliqining 9-ayning 14-küni Beijingdin bergen xewirige qarighanda, Xitay Hökümiti dunyadiki eng çong su elektir istansisi hesaplan’ghan Senshia (Sanxia) su elektir istansisigha eghir tiptiki qorallar bilen qorallan’ghan herbi qisimni orunlashturushqa bashlighan.

14-sentebir “China Times” gezitining internet betide, Hebei olkisining merkizi qismigha jaylashqan omumi selinma 25 milyart dollarliq Senshia su ambirining yeqin etraplirida Xitayning herbi qisimliri razwetka qilishqa bashlighan.
Undin bashqa su ambirini qoghdashqa iwertilgen Xitay eskerler eghir tiptiki qorallar bilen qorallan’ghan tik uçar ayrupilan, uçar keme, birawniwik, bomba tazilighuçi mashina adem qatarliqni ishqa salghan.

Yaponiyening Miyazaki Masahiro internet betining xelqara xewerler sahipisining 9-ayning 21-künidiki xewirige qarighanda, Xitay xelq azatliq armiyisi eghir qorallar bilen qorallinip Senshia su ambirida qattiq herbi halet élip barmaqta. Bu weqeler Taiwan terrorçilirining “Buzghunçiliq pilani” gha taqabil turush üçün iken.

Taiwanning 50 ming shirkiti çong quruqluq bilen baghlinishliq bolup, çong quruqluqta ishleydighan Taiwanlik injiner, bashqurghuçilarning sani 1 milyon kishige yetidiken. Taiwanlik sodigerler asasen Guangdong, Fujian, Shanghai qatarliq jaylarni merkez qilip tarqalghan bolup, tok yetishmeslik sewebidin “Senshia su elektir istansisi qaçan püter?”-dep telmürüp turushmaqta iken.

Senshia su ambirini terrorisitlar eger partilitiwetse 10 dane atom bombisi partilighandiki buzghunçiliq bilen oxshash aqiwet yüz berip , Changjiang deryasining töwen eqimida yashaydighan bir neççe milyon Xitay ahalisi apetke uçraydiken, öy, zawut, yol qatarliqlar su astida qalidiken.

Mao zedong zamanidin bashlapla su ambiri qurulushigha Xitay armiyisi qarshi turup kelgen.　Xitay armiyisining eyni çaghdiki tesewwurliri Hindistanning yadro qoralliri bilen hujum qilishi bolup, keyinki çaghlardiki Islam radikal kuçlirining partilitip buzghunçiliq qilishi, 90-yillarda bolsa Teywen terroristlirining hujumliri nezerge elinmighan idi.(Teywenning kompiyuter urushi-namliq kitawidin)

AFP ning 9-ayning 15-künidiki xewirige qarighanda, Xitay armiyisini bashlap barghan kishi Liushaoqi (Liu Shaoçi)ning oghli Liuyuan (Bash qomandanliq shitabi arqa sep bolumining muawin siyasi komissari, zhongjiang ) iken.

Bu hadisiler Xitay armiyisining 2-qetimliq su ambiri qurulushigha tosqunluq üçün élip barghan herikitimu yaki qattiq yolni tüzesh üçün élip barghan siyasi “Taiwan” qertidin paydilan’ghan oçuq oyunimu yaki bolmisa siyasi suyiqest keskin bolghan Xitayda uning arqa körünüshini bir nerse diyish qiyin-dep bayan qilin’ghan.

Yaponçidin terjime qilghuçi: Uygur Oghli

Sherqiy Türkistan Informatsion Merkizi
2004-Yili 9-ayning 21-Küni