Türkiyening Kayseri Shehride “Mahmut Qeshqeri Uygur Maarip Merkizi” Quruldi

Sürette: Türkiyening Kayseri shehridiki diki  SH.T.M.H jemiyitining yetekchilikide qurulghan “Mahmut Qeshqeri Uygur Maarip Merkizi”ning oqughuchiliri deplom elish murasimida

Öz xewirimiz. 9-ayning 18-küni Kayseri Sherqi Türkistan Medeniyet we Hemkarliq jemiyiti merkizining hoylisigha 1000 gha yeqin kishi jem bolup, Serqiy Türkistanning musteqilliq yolida shéhit bolghan mujahidlirimizning rohigha xetme-qur’an qilish paaliyiti bilen bir waqitta, Sherqiy Türkistan medeniyet we hemkarliq jemiyitining iltimas qilishi bilen Kayseri wilayetlik maarip idarisi “Mahmut Qeshqeri Uygur Maarip Merkizi”ning qurulushini testiqlidi we jakalidi.

Kayserige makanliship 40 neççe yildin béri Sherqiy Türkistanning musteqilliq dawasini Türkiyede janliq elip beriwatqan bu jemiyet, Türkiyediki Uyghur perzentlirining öz ana tilini untush, Uyghur til-yeziqini bilmesliktek çong ajizliqini tügitip, çet’eldiki Uyghurlarning öz medeniyitini saqlap qelish, wetendiki weziyettin we medeniyettin xewerdar bolush, kelgüside millitimizning medeniyet, maarip we musteqilliq küreshliri üçün yaramliq ewlatlarni terbiyilesh meqsitde 100 din artuq Uyghur ösmürni teshkillep “Uyghur tili kursi” açqan idi. Bu ösmürler Tuyghun muellimning semimi muamilisi, estayidil, etirqinip ügütishi netijiside qisqighina ikki aydin köprek waqit içide Uyghur yeziqini bir qeder mukemmel igellep, Uyghurçe kitap, jornal, gezitlerni bimalal oquyalaydighan we yazalaydighan sewiyige yetkendin sirt, Uyghurlarning dangliq shair, inqilapçi, alimliri yazghan sheirlarni yaqda oquyalaydighan, Uyghurçe matiriyallarni çüshineleydighan sewiyige yétip, Türkiyediki Uyghur ata-anilarni we barliq maarip sestimisidiki Türk qerindashlarni xoshal qildi.

18-sentebirdiki yighinda Kayseri wilayiti we shehrige qarashliq Maarip tarmaqlirining mesulliri, mektep mesulliri, maaripni qollap maddiy we meniwi jehettin qollap yardem bergen Türk qerindashlar ela netijige erishken 22 neper elaçi oqughuçini teqdirlidi we mukapat buyumlirini tarqitip berdi. Netijisi layaqetlik bolghanlargha “Mehmut Qeshqeri Uyghur Maarip Merkizi” namidin deplom tarqitip berdi.

Yighin jeryanida 5 yashtin 15 yashqiçe bolghan Uyghur oqughuçilar Abdulla Xaliqning “Oyghan Uyghur” namliq shei’i, Abdurehim Otkurning “Iz” sheiri, “Sherqiy Türkistan Jumhuriyitining musteqilliq marshi”, “ana til” she’ri”, “azatliq yolida” namliq she’ir”, “Qeshqer waxti” namliq sheirlarni Uyghur tilida,”biz kim?” sheirini Türk tilida rawan deklimatsiye qilip, yighin ishtirakçilirining qizghin qarshi elishigha sazawer boldi we yighin ehlini hayajan’gha saldi. Yighin ehli bu deklimatsiyilerni anglap, hayajandin köz yashlirini tutuwalalmidi.