Türkiyening Keyseri Shehridiki Sherqiy Türkistan Medeniyet We Hemkarliq Jemiyiti Shehitlarni Xatirilesh Paaliyiti Ötküzdi

Sürette: Türkiyening Kayseridiki wilayet, sheher we herqaysi siyasi partiye rehberliri “musteqilliq marshi” we shehitlirimizning hörmiti üçün 1 minut sükütte turmaqta

Öz xewirimiz. Türkiyening Kayseri shehridiki Sherqiy Türkistan medeniyet we hemkarliq jem’iyiti 9-ayning 18-küni çüshtin kéyin jem’iyet binasining hoylisida Sherqiy Türkistanning azatliqi we erkinlikini qolgha keltürüsh yolida shéhit bolghan shéhitlirimizning rohigha atap xetme-qur’an we xatirilesh pa'aliyiti ötküzdi.

18-sentebirdiki bu paaliyetke Kayseri wilayetlik, sheherlik hökümetning Sherqiy Türkistanning heqqaniy küreshlirini qollap we yardem bérip kelgen emeldarliri saxawetçi qerindashlar we Kayseridiki er-ayal, çok-kiçik Uyghurlar bolup 1000 din artuq kishi qatnashti.

Yighin jenggiwar “musteqilliq marshi” sadasi içide shehitlirimizning hörmiti üçün 1 minut sükütte turush bilen bashlandi. Yighin meydani ay-yultuzluq kök bayraqlar, Türkiyening ay-yultuzluq qizil bayraqliri we gül-çéçekler bilen bezelgen bolup, yighin ishtirakçiliring keypiyatini téximu yuquri pellige kötürgen idi.

Xatirilesh paaliyitige Sherqiy Türkistan medeniyet we hemkarliq jemiyiti Enqere shöbe bashliqi Heyrullah Efendigil riyasetçilik qildi.
Medeniyet we hemkarliq jemiyitining bashliqi Seyit Tümtürk mehmanlarni qizghin qarshi aldi we éçilish nutqi sözlidi.

Yighin ehli Amerikida Sherqiy Türkistan Jumhuriyiti sergerdan hökümitining qurulghanliqini qizghin tebriklidi we wetinimizning musteqilliq yolidiki küreshlirini qollaydighanliqini, asaret astidiki Sherqiy Türkistan xelqining musteqilliqining baldurraq emelge éshishini tilidi.

Sherqiy Türkistan Informatsion Merkizi
Ertekin
2004-Yili 9-Ayning 19-Küni