Amerikida Sherqiy Türkistan Sürgündiki Hökümiti Quruldi

Sherqiy Türkistan Milliy Azatliq Merkizining reisi Eniwer Yüsüpning tirishçanliqi we teshkillishi, Amerikidiki we baçqa ellerdiki Uyghur qérindashlarning qollishi bilen Amerikida 2004-yili 9-ayning 14-küni “Sherqiy Türkistan Sürgündiki Hökümiti” resmi qurulghanliqini jakalidi.

Türkiyening dölet televiziyisi TRT2 9-ayning 16-künidiki xewiride, “Amerikida Sherqiy Türkistan Sürgündiki Hökümiti”ning qurulghanliqini, buning dunyadiki Uyghurlarni intayin söyündürgenlikini, buning bilen Xitayning endishige çüshidighanliqini tilgha aldi. TRT yene Sherqiy Türkistan Sürgündiki hökümitining jumhur bashliqi Exmet Igemberdi, Bash ministiri Eniwer Yusup, Sultan Mahmut mejlis bashliqi bolghanliqini, hazirçe hökümet ezalirining 17 kishidin terkip tapqanliqini élan qildi.
Sherqiy Türkistan Sürgündiki hökümitining eng zor tirishçanliqlarni körsütüp, Xitay mustemlikiçilirining zulmigha qarshi küçlük paaliyet élip bérip, Sherqiy Türkistanning musteqilliq yolida jan pidaliq bilen küresh qilishini ümüt qilimiz we qollaymiz. Sürgündiki hökümitimizning qurulghanliqi Sherqiy Türkistan xelqining arzusi, iradisi bolup, xelqimiz çong ümütlerni kütidu. Sürgündiki hökümetning barliq küreshlirige muweppeqiyet tileymiz ! Yashisun Sherqiy Türkistan xelqi !
Çeteldiki barliq teshkilat we shexslerning Sürgündiki hökümitimizni her jehettin qollishini ümüt qilimiz.

Sherqiy Türkistan Informatsion Merkizi
Reis: Abdujelil Qaraqash
Katip: Ertekin
2004-yili 9-ayning 16-küni

http://etnfc.org/page44.html

http://www.uygur.org/uygurche/uchur/2004/09_14a.htm