Qazaqistan Döletlik Uygur Ansambuli Istanbulda

Öz xewirimiz.Qazaqistan döletlik Uygur naxsha-usul, muqam ansambulining 19 neper sen’etçisi, Istanbul sheherlik hökümetning resmi tekliwige bina’en 8 - ayning 21-küni Almutidin Istanbul’gha yétip kélip Uyghurçe naxsha-usul we tallan’ghan muqam nomurlirini orunlap 8 - ayning 23 - küni Qazaqistan’gha qayitti.
Istanbul sheherlik hökümet Uyghur medeniyitini Türkiye xelqige tonushturush we ottura asiyadiki qérindash milletler bilen bolghan medeniyet almashturushni küçeytish üçün bu yil 8 - ayning 21 - küni Qazaqistan döletlik Uyghur naxsha-usul-muqam ömikini Türkiyege teklip qildi we 8-ayning 21-küni Istanbulning dunyawi medeniyet mirasi bolghan Sultan Ahmet jamisi bilen Ayasofiye jamisining otturisidiki meydanda Uygurçe naxsha-usul, muqam keçiliki orunlashturdi.21-awghusittiki keçlik konsértqa Istanbul hökümet memurliri,sheher ahalisi, Istanbuldiki Uyghurlar we nurghun çet’ellik seyyahlar qatnashti we qizghin alqishlidi.
8-ayning 22-küni Istanbuldiki Sherqiy Türkistan hemkarliq jem’iyitining orunlashturushi bilen Qazaqistandin kelgen Uygur naxsha-usul omikidiki 19 neper sen’etçi we Istanbuldiki Uygurlar bolup 300 din artuq kishi Istanbul boghizini keme bilen sayahet qildi. Kemide Qazaqistan ansambuli qiziqarliq naxsha-usul nomurlirini körsitip xelqning medeniy hayatini beyitti.Turkiyening dolet televiziyisi (TRT) bu qetimqi paaliyetni ziyaret qildil.
Bu yil 3-ayda Istanbul sheherlik hökümet Qazaqistan doletlik Uyghur ansambulini teklip qilip Istanbulning Yawropa yaqisi yengi sheher rayonidiki ikki tiyatorxanida we Sultan Ahmet meydanida oyun qoyup Istanbul sheher ahalisi we çetelliklerning qizghin alqishigha sazawer bolghan idi.

Sherqiy Turkistan Informatsion Merkizi
Ertekin
2004-yili 8-ayning 23-küni