Istanbulda Dunya Uygur Qurulyitining Rohi Yetküzüldi

Dunya Uygur qurultiyining muawin reisi Esqerjan 6-ayning 6-küni çüştin kéyin Istanbuldiki Şerqiy Türkistan wexpining yiğin zalida 16-apreldin 19-aprelğiçe Germaniyening miyunxen şehride çaqirilğan Dunya Uygur qurultiyining rohini yetküzdi.
Yiğin’ğa Şerqiy Türkistan wexpining baş katipi Hamut köktürk　ependi riyasetçilik qildi.
Yiğin’ğa Türkiyening Qeyseri şehridiki Şerqiy Türkistan medeniyet we hemkarliq jemiyitining reisi,dunya Uygur qurultiyining Türkiyediki wekili Séyit Tümtürk, Şerqiy Türkistan medeniyet we hemkarliq jemiyiti Enqere şöbe başliqi Xeyrulla Efendigil, Enqere univeristeti til-tarih fakoltetining oqutquçisi doktor Erkin Emet we Istanbuldiki Uygurlardin bolup 60 tin artuq kişi qatnaşti.
Yiğinda aldi bilen Şerqiy Türkistanning azatliqi yolida şehit bolğan mujahitlirimizning rohiğa atap xetme-qur’an oquldi.
Undin keyin Istanbuldiki Şerqiy Türkistan hemkarliq jemiyitining reisi Seyit Tarançi ependi söz qilip,Dunya Uygur qurultiyini çetellerdiki barliq Uygur teşkilatliri we şexislerning maddi we meniwi jehettin qollişi lazimliqini,şundaq qilğandila wetinimizning azatliq,musteqilliq dawasini küçlük élip bérip,xelqimizni xitaylarning zulmidin tézrek qutuldurğili bolidiğanliqini tekitlep ötti.
Dunya Uygur qurultiyining muawin reisi Esqerjan 16-apreldin 19-aprelğiçe Germaniyening miyunhen şehride eçilğan dunya Uygur qurultiyining rohini we 29-may Amerikining paytexti Waşin’gitonda éçilğan Amerika Uygur birleşmisining yiğin rohini qisqiçe yetkuzdi.
Yiğin riyasetçisi Hamut Köktürk ependi Esqerjanning sözidin kéyin Türkçe söz qilip çeteldiki Uygur qerindaşlarning musteqilliq yolidiki heqqaniy dawayimizğa barliq Uygur qerindaşlarning aktip iştirak qilişini,Pelestin we Çéçenistanda jan pidaliq bilen küreş qiliwatqan mujahitlarning rohidin ülge élip,wetinimizni azat qilişimizning lazimliqini éytip ötti.
Arqidin Türkiyediki Şerqiy Türkistan medeniyet we hemkarliq jemiyitining başliqi,Dunya Uygur qurultiyining Türkiyediki wekili Séyit Tümtürk ,Şerqiy Türkistan medeniyet we hemkarliq jem’iyiti Enqere şöbe başliqi Xeyrullah Efendigil,İstanbuldiki İsa Yüsüp Alptékin wexpe başliqi Arslan Aliptékin ependiler ayrim-ayrim söz qilip ötti.
Enqere Universtetining oqutquçisi doktor Erkin Emet ikki yiğin sahidi süpitide sözge çiqip Germaniyediki we Amerikidiki yiğinning rohini toluqlap yetküzdi hemde yiğinning muweppeqiyetlik éçilğanliqini mueyyenleştürdi.
Esqerjan we Erkin Emetler yiğin iştirakçilirining soalliriğa jawap berdi.
Yiğin axirida Hamut Köktürk ependi İstanbuldiki Şerqiy Türkistan wexpining yeqinqi yillardin béri qilğan xizmetliridin melumat berip ötti.

Şeyqiy Türkistan İnformatsion Merkizi
Ertékin
2004-Yili 6-Ayning 9-küni